núna 31. maí og 1. júní er stór ráðstefna um einhverfu, röskun á einhverfurófi og tengsl einhverfu við þroskaröskun. þar verða nokkrir fyrirlestrar og fara þar fram specialistar á heimsvísu í þessum málum. ég fagna því verulega að umræða og niðurstöður nýrra rannsókna séu kynntar og í boði fyrir fólk. en...fyrir foreldra barna með sérþarfir kosta þessir tveir dagar 22 þúsund íslenskar krónur á mann. foreldrar barna með sérþarfir hafa oft á tíðum ekki möguleika á að vinna fulla vinnu eins og gefur að skilja og fjárhagslegur stuðningur er ekki mikill við slíkar fjölskyldur. foreldrar hafa mikla þörf fyrir upplýsingaflæði af þessum toga og það er því helber synd og skömm að ekki skuli vera niðurgreiddur kostnaður fyrir þá sem málin mest varða. ég verð alveg æf því ég veit að á hinum norðurlöndunum er foreldrum og aðstandendum barna með sérþarfir af ýmsum toga boðið á heilu námskeiðin um fötlun og það að sjálfsögðu að kostnaðarlausu. að það skuli fara eftir efnahagsstöðu hvort þú getir boðið börnum þínum, sjálfum þér og í raun allri fjölskyldu þinni betri lífsskilyrði með því að fræðast og skilja aðstæður er fáránlegt. þetta kalla ég ekki mannréttindi.
Bækur á meðan ég hverf
Nú tók ég upp á því að skrásetja eitt og annað frá október 2023 þegar ég setti búslóðina í geymslu og fór á vetrarflakk. Þar á meðal skrásetti ég hvaða bækur ég væri að lesa og/eða hlusta á. Les allt í bland og margar bækur á sama tíma, kláraði þær ekki allar en samt flestar. Mjög lengi með sumar og eins og elding með aðrar, eins og gengur. Ein og ein er ég að lesa aftur, og jafnvel aftur og aftur. Samt frekar sjaldgæft. Er enn að lesa sumar. Þetta færir mér einhverja undarlega ró, yfirsýn, landslag sem fer í gegnum mig. Tek upp kíkinn og sé bátinn færast framhjá og hverfa inn í mistrið. Mér finnst allt vera að hverfa, aðallega ég sjálf. Kassinn með jólaskrautinu er til dæmis horfinn. Jólakúlurnar frá ömmu og afa og nostalgían. Gufaði bara upp í flutningum og ákvað þar með að sinn tími væri liðinn. Með skrásetningar áráttu skil ég eftir mig spor. Lestrarspor. Bý til járnbrautarteina í gegnum tímann á meðan ég skrifa, hverf, skrifa, hverf, les, hverf, les, er horfin til allrar hami...
Ummæli