Færslur
Sýnir færslur frá febrúar, 2010
- Fá tengil
- Tölvupóstur
- Önnur forrit
![Mynd](https://blogger.googleusercontent.com/img/b/R29vZ2xl/AVvXsEge3afAX-eHWnXpG5vAvVCk92JdFj6BVLV9NoNc3AyG7VXgI7K0EcSadZPCxtua0BcK9Wk9EQkmSwj8NRn9S_hmfZhGG0u6K0ZAiNXIyPEuV-XyWQpfnVBwlAvGEq30KhAjUbZK/s400/Human+Skin-Sweat+.jpg)
hún er farin að sjóða já sjóða í stóra pottinum sínum eitthvað sem bragð er að ó nei saltupplausnir eigin svita ferðast um og fitja upp á nýjum veruleika í d-dúr smá moll og mættir þú standa skrefinu nær þá myndi ég ota að þér spjótinu stórhættulegu spjótinu sem gæti þig stungið á hol og þá já þá færi blóðið af stað og potturinn væri farinn að bullsjóða. síðan sullum við einhverju á diskinn og sjáum hvað setur...
- Fá tengil
- Tölvupóstur
- Önnur forrit
![Mynd](https://blogger.googleusercontent.com/img/b/R29vZ2xl/AVvXsEjD0MfNE7q3cJchmrsoZ5vz8AcaBsA1HXFm-3S9SRI-RKA3dzYQsTEsTkp5cN44S9HZEzIOq4NA7j4mmMhf3PAmJIwQ2wHGmQG0x_9zelujdI0MssSHplfdlORSFDZVKLYjL9qK/s400/Pukka+Love+Tea.jpg)
Mánuður göngutúra og rómantískrar birtu er hafinn. Það er mikilvægt að anda niður í maga. Það er líka mjög gott að fá sér lífrænt ræktuð epli. Líka perur. Ég keypti 6 svoleiðis áðan á um 1100 krónur. Úbbs! Já og svo keypti ég þetta te bara út af nafninu og litnum. Það kostaði tæpar 700 krónur. Jebb. Svo getur verið ósköp ágætt að setja stundum á sig varalit, svona einn og einn dag. Það er ómissandi að hlusta á góða tónlist. Já umfram allt. Í vinnunni í dag hlustaði ég á Alice hans Tom Waits og það tvisvar. Samstarfskonurnar voru eitthvað mishrifnar. Held ég taki Hjaltalín með í vinnuna á morgun. Það er líka föstudagur á morgun. Það er óskaplega mikilvægt og ferlega gott að segja börnunum sínum hvað maður elski þau svakalega mikið. Uppáhalds setning dóttur minnar um þessar mundir er: Mamma ég elska þig til æviloka!