sannlega er mín sorgin stinn neinei er bara að raula þetta lag. sest á heilabörkinn minn og nartar sig í gegn sút fló í brjóstið inn kaffi og bakkelsi og mogginn að morgni er nú ekki svo galið og ég fór snemma að sofa. já. því svefn er hið besta fegrunarmeðal og ég hugsa eingöngu um vítmínbætta fegurð og les minn plótínus á meðan ég plægi akurlendi innri veiðilendna sykurinn hefur sogið sig inn í annað heilahvelið og snarkar þar um þreytir mig og ég þræti fyrir allt hvítt myrkur syng bara um lóu og spóa og heyri í kanínum steppa leikhús eða bíó bíó eða leikhús víbrador eða typpi typpi eða víbrador bara píku lenín eða stalín jeltsin nei hann er dauður skál sníp eða eyrnasnepil auga nei þau eru lokuð sand hland eða land sjó nei sjórinn fór í frí þar fór það
Færslur
Best að nota þennan bloggræfil sem auglýsingatöflu: Málþing meistaranema í almennri bókmenntafræði við Háskóla Íslands föstudaginn 27. apríl klukkan 13.30 – 17.00 í stofu 101 í Odda Dagskrá: Kl. 13.30 – 15.00 Fyrri málstofa Guðrún Hulda Pálsdóttir: Kynning á ársriti Torfhildar Davíð Kjartan Gestsson: „Illgjarna tungan í svartholinu: Greining á Cahier d’un retour au paysnatal eftir Aimé Césaire. Guðrún Dröfn Whitehead: „Hirðfífl hans hátignar.“ Soffía Bjarnadóttir: „Síbreytilegt hold tímans: Líkami, dauði og list.“ Kl. 15.00 Kaffihlé Kl. 15.30 – 17.00 Síðari málstofa Símon Hjaltason: „George Orwell: Saga, sannleikur og sósíalismi.“ Svanhvít Lilja Ingólfsdóttir: „Kynjahlutverk sólar og mána.“ Helgi Sigurbjörnsson: „Brýt höfuð, tengi brot við brot.“ Um Brotahöfuð eftir Þórarin Eldjárn. Veitingar og spjall ALLIR VELKOMNIR!
ég hlusta á tom waits. ég borða hrísköku. ég drekk kaffi. ég set í þvottvél. ég þurrka hor úr nösum. ég les fréttablaðið. ég útbý dagskrá. ég skrifa tölvupóst. ég fer út í búð. ég les um einar áskel og barbapabba. þurrka hor úr nös. ég dreg andann mjög oft. en mjög rólega. ég rúlla út bleikri jógadýnu. dúlla mér og dúlla mér og anda mikið og djúpt og rólega. hlusta áfram á tom waits. legg tarot. hugsa um daginn. sé gröfu og hugsa um silfurlitaðar kistur og melankólískan fjallahring. umvefjandi. ég ætla að setja muddy waters á og skoða leigulistann. ég já. ég og þú.
su su su suuumar í su su su sugartown i´ve got some troubles but they won´t last i´m gonna lay right down here in the grass and pretty soon all my troubles will past cuz i´m in su su su su su su su su su su su su sugartown kem annsi lúin undan vetri drep í legusár lautar en með sykurhúð og sæði mun taka á mig æði og norma skýtur upp kollinum
reykjarmökkur liggur hingað heim að mínum dyrum til merkis um hversu glögg ég er og næmni mín fyrir umhverfinu gríðarleg þá var ég að velta því fyrir mér áðan er ég gekk götuna mína hvað það væri kominn mikill sumarstemmari í nágrannann fírandi í grillinu svo legði um allar jarðir andaði djúpt að mér og hugsaði: suuuuuumar!
vangaveltur í baði: mútta: hvað gerir maður með eyrunum? skotta: maðrr klippir. m: og hvað gerir þú með augunum? s: ég loka augunum. m: hvað gerir nefið? s: finnur kúk. m: jæja. en ertu ástin mín? s: nei. m: ertu ekki ástin mín??? s: neibb. ég er jólasveinn. m: hvað ertu gamall jólasveinn? s: ég er keggjára jólasveinn. hva ert þú gamall jólasveinn? m: ég er mjög gamall jólasveinn. s: þú mátt ekki koma með. m: eigum við að koma upp úr? s: nei. allir jólasveinar eiga heima hjá mömmu sinni og pabba sinn. m: og hvar átt þú heima? s: ég á heima út í sjó.
eldri arfleggur: "mamma, hver er mín arfleifð?" "uuuhh, tjah, það er nú nokkuð flókið að útskýra það haaa....ehh" "er sköllóttur karl arfleifð?" yngri arfleggur: "varstu að bíta í leikskólanum?" "já mamma mín ég var að bíta kristján una (mjög stolt og brosandi út að eyrum)!" "en það má alls ekki. ætlar þú ekki að vera góð stelpa?" "nei. (enn stoltari og brosið bræðandi breitt), (eftir smá umhugsun:) en ég bíta bara hendina."
jú og fréttir bárust að utan í vikunni um lát hans kurt vonnegut. ég las einhverju sinni sláturhús fimm. og einhverjar smásögur voru nokkuð skondnar. kærastinn minn var alveg ósköp skotinn í honum kurt og sökkti sér í hann en ég held ég hafi á sama tíma verið að lesa ljóð eftir skáldkonur. dauðar og lifandi og eitthvað þar á milli. við vorum í menntaskóla og þetta var á síðustu öld. við ölvuðum okkur á þvílíkri poesíu til hvors annars. sé fyrir mér lítið herbergi í blokk og lykt af olíumálningu þegar ég heyri nafn skáldsins sem fær nú að svífa inn í sinn kjarna. en hins vegar rak ég, í dag, augun í bók eftir son hans kurts sem ég las fyrir nokkrum gjöfum, árum og sárum síðan. ég fékk hana í gjöf frá merkisvini mínum sem ég tel að búi nú í thailandi hann færði mér margar góðar bækur og þar á meðal þessa: "Like lots of what I ran into in my strange journey, it seemed like compensation. For one reason or another sex as I had known it was no longer possible. For the best for all conce
og já skál fyrir vini mínum samuel beckett. sé hann fyrir mér núna í dauðaríkinu sínu. búinn að væflast þar um í 18 ár og skrifar örugglega ekkert. bara tóm letin og staupar sig daglega. svo drýpur örlítil kaldhæðni af vörum hans við og við er hann gjóir á einhverjar sætar skvísur og ljóta gamla kalla. hann hefði orðið hvaaa...101s árs í dag. best að skella sér í drykk á 101.
sail on silver girl sail on by ég er með svona marblett voðalega aum í þessum marblett hann er einhvers staðar inn í mér kannski í blóðinu eða þarna já í kjarnanum sem heldur öllu saman límingarnar marðar solar plexus fer á grúfu dregst saman eins og hjá agli skalla og honum leið svo vel í solar plexus við að drepa drepa drepa en ég ætla ekki að drepa núna nei ég hef önnur ráð undir hverju mörðu rifi
hoho skemmtilegur gunna pistill aftan á fréttablaðinu í dag svona getur maður haft gaman af leiðindunum um þessar mundir og svo er alltaf hægt að ímynda sér bara að fólk sé allsbert food and fun í nektinni alltaf hreint annars held ég að hún s.nótt sé orðin að eiríki fjalari svona sama áran yfir þeim og ég svaf illa er að drekka kaffi og búin að boða seinni skip í vinnu í dag en ég hef nú alveg óskaplega skilningsríkan og sveigjanlegan boss og bossa líka æhh help me make it through the day darling
dagurinn í dag átti að verða svo frábær. en ég held að það hafi orðið mistök og því sé það í raun dagurinn á morgun sem verði dásamlegur. því það var einhvern vegin allt að breytast í mysu. alveg óvart. þegar ég hugsaði eitthvað fallegt þá gerðist eitthvað ljótt og þegar ég sagði eitthvað fallegt við hvíta vegginn í stofunni minni með myndinni af lungunum þá skyggði. en aðeins eitt andartak. og á meðan ég leit til himins og bað um merki þá leitaði serjósið, speltið og rúsínurnar um allt gólf. ég var í svörtum buxum og í svörtum bol. núna er ég ekki lengur í þessum fötum því þau voru orðin hvítmáð. núna er ég í hvítum kjól og með svarta fugla í hausnum. fallega svarta fugla sem syngja fyrir mig söng sem kallar á parkódín fyrir svefninn. pela fyrir brjóst. fjögur typpi úr rauðu plasti í frystinum. það er ekki hægt að loka frystinum mínum. hann er bilaður. en dagurinn á morgun verður dagurinn á morgun. umfram allt það sem hann er og á að vera. i´ll be what i am a solitary man alla síðustu
en silfurskotturnar hafa sungið fyrir mig... syngur megas fyrir mig bara mig og það er jú annsi margt sem maður þarf að varast í þessari tilveru svo dregur maður helvítis fortíðina inn í nútíðina eins og hlekki á eftir sér hún loðir við mann í allra kvikinda líki ég held að dauðhreinsun geti verið lausn við fortíðarfári tilbúin í eldskírn já segir hún jájájá taktu mig alla hamflettu mig og söngurinn skreið undir húð og nærðist á sálarfrumum fáein augnablik svo varð allt hljótt og fögnuður fyllti æðar "og silfurskotturnar sungu fyrir mig þær sungu bæði nótt og dag og þær sungu fyrir aðeins einan mig sitt indælasta alfegursta lag"
dark flame of desire ég hef sjaldan verið jafn gagntekin af nokkurri rödd og hans antony ég missti því alveg hreint legvatnið þegar hann kom inn á svið með henni björk í gær ég hafði nebblega ekki hugmynd um að hann myndi taka lagið og þau sungu um myrkar eldtungur langana - já maður kannast nú við þær djók jæja en það er nú bjartur dagur og hann verður ótrúlega góður og fallegur finn það ætla að hlaupa út í birtingu viljans múha
þetta er alveg dásamlegur dagur. nýt þessara ofurrólegheita í botn. væflast þetta um. klóra sér í naflanum og eyrunum og svona. laga döðlubrauð. tala við yndislega vini. og finna blóðdropana falla á ennið mitt, einn af öðrum, er ég mæni upp á krossinn. svo ætla ég bara í strigaskóna mína og bruna upp í sveit með heitt döðlubrauð og rauðvínsflösku. draumur í dós félagi kær.
