"þeir gáfu henni truntusól og tungl
og tróðu hana út með spesstöðluðu smæli"
jújú kleppsspítali er hundrað ára. amma mín nafna mín fæddist einmitt 1907. og líka katharine hepburn og líka maurice blanchot. og jafnvel hún astrid lindgren líka. jæja. þetta kom nú bara upp í huga minn sem og paradísarfuglinn á þessum drottins degi yfir kaffi og ristuðu brauði með gúrkum. síðan eru barpapaparnir líka að syngja á dönsku fyrir okkur mæðgur. annars er hún óttalega flott hún kate og sem barn lét ég fólk vita að hún ætti sko sama afmælisdag og ég enda pabbi bergnuminn yfir þessari konu í afríku drottningunni. ("ég hef ekkert að gera, hvað á ég að gera í dag. " ég veit, eigum við ekki að horfa á afríku drottninguna aftur, tjahh eða das boot hmmmm...") ég á bara enga mynd af henni ömmu minni í tölvunni. en hún og katharine voru nú ekkert ósvipaðar þannig séð og ekkert mikið að smæla framan í myndavélarnar heldur sendu þær bara linsunni íhugult augnaráðið og heimurinn flóð og gelti.
Ummæli