are you local?

í heila viku hef ég steinlegið í verulega leiðinlegri flensu. fiskifluguspaðaflensu og ég rann bara marin niður eftir blautu gleri. neinei smá dramatík. en slæm flensa og ég er skárri en get þó ekki sofið fyrir einhverjum skratta. svo þung í höfðinu enn að það er erfitt að hugsa smávegis. fékk síðan martröð í nótt. alveg merkilega hryllilega. axarmorðingi í strætó og eitthvað rugl. ég var ekki að horfa á neitt slíkt í sjónvarpinu. blóðslettur framleiddar úr eigin huga. ég hef innvolsi maga míns grunaðan um þessa mar-tröð. þessa síðustu viku hef ég nefnilega varla borðað neitt af viti. og í heila 5 daga drakk ég ekkert kaffi sem er merki um að ég sé verulega lasin og ég borðaði ekkert brauð til að mynda. í gærdag lagaði ég mér svo loks kaffi sem var ósköp ágætt og í gærkvöldi tókum við mæðgur upp á því að baka pönnukökur. eftir flensudetox þá skellti ég mér beint í koffín, sykur, mjólk og hveiti. og þetta endaði auðvitað bara í blóðslettum og morði.