MATARSÓDI

Ég held ég muni endanlega hætta að nenna þessu landi ef fólk hér með kosningarétt tekur upp á því að kjósa sama forsetann yfir sig  næstu fjögur árin. 20 ár á valdastóli? Hver hefur gott af því? Fyrir utan það að hafa verið arfaslæmur forseti síðast liðin ár. Helst myndi ég vilja leggja þetta blessaða embætti niður. Jarða það djúpt í jörðu. En hér eru nokkur orð úr Skýrslu Rannsóknarnefndar Alþingis um hlut forseta Íslands, summsé Ólafs Ragnars Grímssonar, í falli bankanna 2008: "Hann [ÓRG] þáði margsinnis boð útrásarfyrirtækja um að vera við opnun nýrra útibúa eða höfuðstöðva erlendis, flutti erindi á viðskiptaþingum sem skipulögð voru af bönkunum og skrifaði fjölda bréfa í þágu fyritækja og einstaklinga til erlendra viðskiptamanna eða forystumanna þjóða. Þótt forsetinn greiði almennt fyrir íslensku viðskiptalífi, samrýmist það illa hlutverki þjóðhöfðingja að hann gangi beinlínis erinda tiltekinna fyrirtækja eða einstakra fjárfesta. Útrásarmenn urðu tíðir gestir...

Birtan er sú næring sem er hvað mikilvægust. Ég sef betur í allri þessari birtu. Ég vakna betur. Ég er í meira jafnvægi í birtunni. Ég er þakklátari. Öll betri. Birtan er allt sem ég þarf. Reyndar langar mig að kúra svoldið á morgnana þegar klukkan hringir mig til nýs dags upp úr klukkan sjö. En það er eins og það geri bara ekkert til. Sumarsólstöður nú og birtan er eins mikil og hún getur verið. Næturnar eru ekki síst dásamlegar. Bjartar nætur. Uppáhaldið mitt. Í tilefni af birtunni þá ætla ég á tónleika í kvöld í Grasagarðinum. Ljúfa líf.

Fróðleikur frá vinnufélaga: Sólstöður eða sólhvörf er sú stund þegar sól fer lengst frá miðbaug himins til norðurs eða suðurs. Sólstöður eru tvisvar á ári , sumarsólstöður á tímabilinu 20.-22. júní, þegar sólargangurinn er lengstur og vetrarsólstöður 20.-23. desember, þegar hann er stystur. Breytileiki dagsetninganna stafar fyrst og fremst af hlaupársdögum . Nafnið sólstöður vísar til þess að sólin stendur kyrr, þ.e. hættir að hækka eða lækka á lofti.

Algjörlega einn er ég hamingjusamastur. Eins og nú. Stundarkorn. Síðan fer ég að bíða. Þín, einmitt þín. Komdu hingað. Ég vil sjá þig fara úr. Ég skal hjálpa þér. Ég er orðinn ber. Og bronsbrúnn! Eigum við ekki að segja það. Segðu ekkert um magann segðu bara: Undravert, að árin skuli ekki hafa gert okkur eldri! Ég segi það. Hannu Makelaa

í dag er ég órói órói sem hlustar á sálma

í dag er ég óróleg ó ró leg