MATARSÓDI

ég er að bíða eftir vorinu. ég er að bíða eftir þér. vil þú komir til mín með fögur fyrirheit. frem löngun í köldu biðskýli. hitarinn að gefa sig. gefa sig. er ég að gefa mig? ertu nokkuð að gefa þig elskan? ertu að gefast niður, upp, á ská? gef mér guð gef mér græna andagift og glitrandi töfraskóga með góðum úlfum sem góla fyrir mig heillandi næturljóð um flug frá bólgnum rörum, bólgnum hálsi, bólgnum líkama, verðbólgum og blásurum. þá hvæs ég og blæs hárinu þínu upp upp upp. lengra upp eftir elskan. elskan elskan elskan.

HALLó HALLÓ Ég og mínar yndislegu dætur erum að leita að langtíma leiguíbúð í vesturbæ, miðbæ....og svona eitthvað út fyrir þennan radíus. 101, 107, 105 Við erum frábærir leigjendur. Skilvísar, reyklausar, fagurkerar. Mjá. Annað hvort á íbúðin að vera lítil 2-3 herbergja. Eða Rúm 4-5 herbergja. Núna - eða með vorinu!

jájájá ég fékk blóm frá litlu skottunni og sú stóra bakaði dýrindis köku fyrir múttuna svo hún yrði feitari og sætari. þær eru nú alveg bestastar. en ég er bara algjör lumma sjálf. jájá ég veit að maður á ekki að tala svona. en get nú bara ekki annað. pirruð lumma í götóttum fötum og pirruð á fasteignamarkaði og brjáluð yfir mínu eigin sjálfstæði eða hvað eða hvað. finnst eins og augun á mér séu full af hvítum fjörusandi og fjúki. mikið er heimilið fallegt. mikið er veturinn langur. mikið bærast trén hæglega í frostinu. já það er nú meira hvað ég elska að elska svona og svona. hvað gerir maður við þetta pirr. peningapirr. æi og allt hitt pirrið líka sem borgar sig ekkert að minnast á. þá fara allir að grenja og allir hætt að baka úr eggjunum sínum og hænurnar fylla húsin af gaggi og á endanum verð ég að kaupa haglabyssu til að eiga eitthvað í matinn.

æði beibí og sunnudagur og sólin og allt. lummilumm.