MATARSÓDI

og hún syngur svo fallega: ...How can you stay outside? there is a beautiful mess inside How can you stay outside? there is a beautiful mess inside Take a deep breath and dive there's a beautiful mess inside how can you stay outside? There's a beautiful mess beautiful mess inside beautiful beautiful...

Herra Lútin vinur minn segir að það sé heitt þó það sé kalt og ég trúi honum því blóð mitt rennur hratt um æðarnar og kaffið mitt svart og mjúkt fleytir mér áfram inn í fagran dag af bogadreginni spennu. Heitt þó kalt sé og ég skal dansa við þig í kringum jólatré og í skúffunni geymi ég bómullarhnoðra frá fyrra stríði. Það má nýta þá ef skelin fer að harðna og snjóa leysir þá læði ég gömlum bómul á milli rifa í óþéttu rjáfri. En þetta hefur herra Lútin að segja um stjörnurnar sem þú hangir í: DAILY FIX 26 december intense complicated conflict of interest traingulated three-cornered passionate political twisted irresistible RELATIONSHIPS when Venus Pluto and Saturn get together over the next few days it's hot even when it's cold

jólaást og kossar elskurnar mínar

og mín innri augu opnast eilítið. glákuleg sýnin segir mér að taka bara eitt skref. ákveðið eitt skref og staldra síðan við. ilmurinn er svo lokkandi er svo lokkandi er svo lokkandi. ilmurinn úr augunum er svo lokkandi. það er nótt og allt er rólegt. ég er eitthvað skrítin í sjálfri mér hér mókandi á myrku engi. í fjarska er sólin smá og lofandi.

sviti þinn saltur og ljósið mitt vex upp úr moldinni til þín

"Söngnum lauk. Upp hófust karlmannlegar lángbygljuhrotur með blístri í bland. Einhverjir lyftu upp lokinu á flyglinum. Þar voru engir strengir, engin hefðbundin innýfli hljóðfæris af þessari tegund. Í flyglinum svaf hins vegar sparibúinn íslendingur, rauðbirkinn og velsældarlegur. Slíkur er máttur vitundarinnar þegar hún er stillt á rétta bylgjulengd. Menn éta upp hver eftir öðrum að ekkert gerist. Hvílík fjarstæða. Ímyndunaraflið getur brotið niður múra, sprengt hlekki, lamað kúgara, breytt eyðimörkum í unaðslega aldingarða. Opnið augun - allt í kríngum ykkur eru hinir eldfornu leikir mannkynsins í fullu fjöri - menn hvæsandi af fýsnum, menn að slíta hjartað hverjir úr öðrum, menn að vega hverjir aðra með orðum, menn að skírast og hefjast í loft upp af unaðslegri kraftbirtíngu ástarinnar - allsstaðar eru nornir, drýsildjöflar, töframenn, spekíngar og gyðjur - opnið bara augun, þau innri líka, sér í lagi þau innri." (Ó.H.S. í tilefni sýningar Alfreðs Flóka 23. ágúst - 31. ágú...

"Ekki segja nei kannski kannski" syngur Páll Óskar fyrir mig ákkúrat núna - og ég man eftir listaverki fyrir margt löngu frá Magnúsi Pálssyni sem var álíka. Orð og stafir út um allt á einum vegg - og þegar vel var að gáð mátti rekja saman í orðin: Ekki segja nei Segðu kannski Mjög áhrifaríkt verk. Hreint dásamlegt. Já einmitt, þessi von kom bara allt í einu hér upp upp upp og ég mun aftur vaxa sem krossfiskur. Og hananú!

Ég er í alveg dásamlegu jólaskapi þessa dagana. Fór á jólatónleika Mótettukórs Hallgrímskirkju í gærkveldi og það var mjög falleg og góð stund: Opin standa himins hlið í helgum dýrðarljóma. Loftin öll þau óma við, þar englatungur hljóma. Gloria, hosanna in excelsis. Allt sem lifir, undur blítt, í auðmýkt Drottins syngi. Ótal raddir ómi þýtt og allar klukkur hringi. Gloria, hosanna in excelsis. Héðan látum hljóma dátt, til himins lofgjörð sanna. Guð, sem gefur frið og sátt, nú gistir jörðu manna. Gloria, hosanna in excelsis. (Sigurður Pálsson - Lagið er frá 16. öld)

konan hugar að líkamspörtum og sölu á þeim. kjaftur, klær og nýafskorið krókódílahöfuð til sölu. það er mikið framboð á eistum og því ekki nokkur leið að salan á þeim slagi upp í tannviðgerðir eða kjaftsauma. eistu og augu í kjafti - allt fyrir bataille. ég fékk einu sinni nýra í jólagjöf og kom því fyrir aftan við vinstri mjaðmakúlu. þriðja nýrað hreinsaði tilfinningar af mikilli natni. sannkallað þarfaþing.

nóvember nóvember nóvember bráðum búinn og allar skyldur hans og svo kemur ljúfi desember og ég verð með silkisvört blóm í hárinu

Mark Sink og Kristen Hatgi frá Robin Rice Gallery

mundu að vökva blómin elskan og gefa köttunum að borða og mundu að setja á þig varalit og fara líka út með ruslið. settu fyrst á þig varalitinn og farðu síðan út með ruslið. gerðu það elskan og vertu mærin frá hjónabandssælulandinu. vertu hún og keyptu þér nýjar nælonsokkabuxur. þegar frostið kemur og bítur þig í rassinn þá segirðu bara: bíttu aftur - ég er í nælon. fagrar eru lendarnar fagrar eru línurnar og rjómi með. þeyttur í höndunum ef hann myndi koma í heimsókn. líta við á svona sunnudegi. þá skaltu vera með varalitinn og í nælonsokkabuxunum búin að fara út með ruslið og þú verður alveg afslöppuð í fasi. því þannig á maður að vera á sunnudegi. með þeyttan rjóma í skál. unaður.

Kaffiilmur, kertaljós og KK spilar morguntóna. Nokkuð korní barasta. En dásamlegt. Mynd gærdagsins segir allt sem segja þarf um þann dag. En í dag er allt betra. Hálsáverkarnir eru jú enn til staðar eftir að mitt alveg hreint ágæta garmslega hjól taldi sig hafa vængi. Læknar hafa tröllatrú á Íbúfeni. Feni já. Það er eiginlega sama hvað ég segi við lækna þeir stoppa mig í miðri setningu með orðinu Íbú....búhú...júhú. Svo ég tek bara mitt Íbúfen og drekk mitt kaffi. Og hér með viðurkenni ég að ég hlakka til jólanna. Þrá dagsins:

fáðu þér sítrónu

það var kominn nóvember og ég hætt að hugsa um dagana. uppþvottavélin tók af allan vafa um mikilvægi tilveru sinnar og stúlkurnar púsluðu lífinu inn í kryddbrauð og klippimyndir. lífið var betra en áður og vasahnífurinn kominn í skúffuna. fulla tunglið skapaði hrúður sem vindurinn feykti af. sveitaferð og rómantík ýtir myrkrinu úr vör og værðarlegt rauðvínsbrosið læðir sér yfir móana.

Dimmur fallegur mánuður nóvember nóvember nóvember dæmir mig til endurtekningar. Rís upp nokkuð vönkuð og vökva ljósið. Vertu svo allt um kring og bráðum koma jólin.

þvílíkur seiður í þessum takti

seiðandi söngur svo ekki sé meira sagt...

Gloomy Sunday fylgir mér: r e z s ő s e r e s s l y r i c s Ősz van és peregnek a sárgult levelek Meghalt a földön az emberi szeretet Bánatos könnyekkel zokog az öszi szél Szívem már új tavaszt nem vár és nem remél Hiába sírok és hiába szenvedek Szívtelen rosszak és kapzsik az emberek... Meghalt a szeretet! Vége a világnak, vége a reménynek Városok pusztulnak, srapnelek zenélnek Emberek vérétől piros a tarka rét Halottak fekszenek az úton szerteszét Még egyszer elmondom csendben az imámat: Uram, az emberek gyarlók és hibáznak... Vége a világnak! LITERAL ENGLISH TRANSLATION: It is autumn and the leaves are falling All love has died on earth The wind is weeping with sorrowful tears My heart will never hope for a new spring again My tears and my sorrows are all in vain People are heartless, greedy and wicked... Love has died! The world has come to its end, hope has ceased to have a meaning Cities are being wiped out, shrapnel is making music Meadows are coloured red with human blood T...

Á sumum augnablikum... langar mig að búa í design blaði. Sitja þar afslöppuð í ullasokkum með tebolla og kæruleysislegar bækur á víð og dreif en þó allt tandurhreint og elegant með rétta kaos litasamsetninguna og ég hugsa ekki neitt heldur sveifla hárinu áreynslulaust. Kisa er þarna í bakgrunni og hún þarf aldrei að kúka. En hérna hér - þessi móment dvelja að sjálfsögðu aðeins í minni innri stillimynd eitt augnablik þar sem tungumál og önnur tól eru til óþurftar.

Það er alveg heilmikið af bókum sem mig langar í núna þessa vertíð. Ber þá fyrst og fremst að nefna þýðingu Kristjáns Árnasonar á stórvirki Óvids - Metamorphoses - Ummyndanir. Þvílíkur goðsagna- og skáldskaparbrunnur. Við þurfum næstum ekkert meir. Verkið er skrifað á árunum 1. - 8. e. Kr. Það er í 15 bókum og skrifað í hexametri en þýðingin er hins vegar ekki í bundnu máli. Ég vissi fyrir margt löngu að Kristján væri að þýða verkið - fékk einhverju sinni að nýta lítið brot af þýðingu - þá var heitið Hambrigði. Ljóðrænt og glæsilegt. Ummyndanir eru þó nær merkingarlega séð þar sem ekki eru það einungis hamskipti sem eiga sér stað heldur einnig aðrar breytingar og ummyndanir, eins og hjá andanum og ekki síst röddum og tungumáli sem ýmist hverfur eða verður eitt eftir að hamurinn hefur tekið á sig nýja mynd eða jafnvel horfið. Í Eimreiðinni fyrir langalöngu voru þýðingarbrot úr verkinu, Kristján er því búinn að vera með þessa þýðingu í vinnslu allt sitt líf ásamt öllu öðru sem hann hefur...

óh þetta er svo flott lag og mig langar í kampavín með því

Æh mig langar að vera í fríi í vinnunni í nokkra daga núna. En ætli ég hafi það ekki af einn dag. Kjúlli og kaffisúkkulaðikaka í matinn. Alveg þrælfínt. Það er að koma nótt og því best að fara að lesa.

Ég fann lítinn loftbelg grafinn í jörðu. Með mold undir nöglum og moldug hné steig ég upp í uppgröftinn sem vildi ekki takast á loft en stóð þó reisulegur upp úr moldinni og vel sjáanlegur. Gulleitur belgurinn var orðinn eins og brúnleit appelsína. Veðrunin svo fallega jarðbundin. Ekki nema von að hann takist ekki á loft. Veit heldur ekki hvert ég hefði átt að fara í loftbelg annað en hringferð um sjálfan mig.

Takk. Takk fyrir mig. Mikið er ég ánægð með þessar skottur mínar já og okkur allar líka kisuskottið.

fékk mér nupo í kvöldmat og steikti síðan kleinur allt kvöldið. snilld!!!

jeeeá það var verið að tilraunast í eldhúsinu. kakan var nokkuð framúrstefnuleg - mjög gott krem hmmm jájá og fiskurinn bara bara nokkuð dæmigerður sossem. ágætt.

Jæja þá er það uppskriftarhornið: Brúnuð ýsa í grænmetiskarrí og Hrá frækaka í sítrónubaði Ýsan: Blanda saman hveiti, haframjöl, salti, pipar. Skera niður ýsuflak eða flök í nokkra bita. Setja ýsubitana í hveitiblönduna - krydda jafnvel aðeins meira og steikja síðan létt upp úr ólívuolíu og smá smjöri. Grænmetið: 1 sæt kartafla 3-4 gulrætur laukur sellerí Grænmetið er saxað niður og skellt á pönnu. Kryddið: Karrí Túrmerik Karrílauf Jurtasalt Pipar Kryddið er allt sett út í grænmetið og látið marínerast nokkuð vel. Bæta við slatta af hrísmjólk. Steiktur fiskurinn er settur yfir grænmetið að lokum og karrívatninu dropað vel yfir fiskinn. Lokið yfir og látið malla á lágum hita í smá stund. Þetta er svo borðað með bestu lyst og haft kirsuberjatómata og vatn með. Eftirréttur - hrá kaka. Botn: Möluð sólbóma - og hörfræ Púðursykur Olía Þessu er blandað vel saman. Síðan er bætt við: Maukuðum banönum Smá negull vanilludropar Slatta af dökku lífrænu kakói Smá kókosmjöl. Öllu blandað vel saman og...

Það er jú í tísku að líta í bakspegil og hér eru færslur frá þeim merkisdegi 6. október 2008 - ekki get ég sagt að ég muni sérstakegla vel eftir þeim degi nema að ég man eftir að hafa setið í vinnunni minni og horft á tölvuna mína þar sem Geir nokkur blessaði mig og hina út úr skjánum. En svo virðist sem skrifarakonan hafi bara verið með hinu skáldlegasta móti þennan daginn. Hún á þetta til. Svo hefur hún sett einhverja vínyl plötu á fóninn: mánudagur, október 06, 2008 happy-go-lucky anyone??? Posted by Fía more for Fender at mánudagur, október 06, 2008 0 comments Posted by Fía more for Fender at mánudagur, október 06, 2008 0 comments ég heyrði sírenur kyrja út úr útvarpinu í eldhúsinu fann gaslekann liðast til mín úr loftræstikerfinu þóttist ekki taka eftir neinu og hélt áfram að vélrita finn sjálfvirka fingurna framandi á kjúkunum og gasið magnast í liðunum heróínmeistarinn framreiddi marens nýbakaðan og horfði ólundarlega í átt til mín því hann misskilur ástarþrá sem stelsýki ve...

Lag fyrir laugardag

Rétt í þessu var Vefsafn Landsbókasafn Íslands - Háskólabókasafns formlega opnað. Það er mjög áhugavert að renna sér aftur í tímann með þessari veftímavél. Skoða gamlar vefsíður og slóðir. Og þetta verður án efa enn fróðlegra eftir því sem tímanum vindur fram. Enn sem komið er einungis hægt að leita eftir urlum en orðaleitin mun ef að líkum lætur verða tæk síðar. Tjekkittát beib!

í kveðjuskini veifaði ég tilgerðarlega þegar ég var nær úr kallfæri en í rokinu heyrðist frelsisekkó so long so long long long ong já þá var einn miðillinn frá skyggnilýsingarnar enda farnar að vísa í gallið hið innra vald er afstætt ef enginn heyrir í valdinu verður það þá þar með að engu? ætli það grasseri í þögninni? sumt vald er vald því það hefur rödd og annað vald er vald því það sker tungur úr. það er alla vega að koma helgi og ég ætla bara að setja góðan blús á fóninn og fá mér kirsuberjavín - baka pizzu ef það þykir eftirsóknarvert í hinum innsta hring. adju dju ju ....

mjá og ég má til með að kvóta hér í Michael Lutin: CHANGE Facing it is tough Embracing it even tougher Especially when you're squeezed into a tight spot the way you are now TIGHT SPOT isn't even the word. You wake up in the middle of the night and that THING is sitting there on your chest, drooling and grinning daring you to b e courageous but the trick is to turn that anxiety into success which you can do right now if you move ahead with humble heart and clear mind AS SATURN RISES ABOVE THE NEW MOON Leo---cash flow and financial integrity Pisces--relationships with annoying, selfish but attractive people Gemini---the tight-knit family that wasn't exactly a family Aries--seeking satisfaction despite a day job Sagittarius---confrontation with authorities and your own ambition Taurus---the triumph of love over heartache Libra---inner discpline over self-torture Cancer--living -two lives Scorpio--- letting some friends go, exploring new avenues Virgo--- your whole entire life ...

snyrtilegur skurðhnífur á dúkalögðu borði í handfang hans var grafið nafn mitt

Sísigrandi sjálfan mig djöfulinn og dauðann. Við erum eitt á stundum. Ég gleymdi því eitt augnablik að allt er undirorpið stöðugum breytingum. Fínlegum breytingum. Fór í jóga í dag. Það var gott. Ég var búin að gleyma því líka að ég hef saknað þess að jóga. Ég hélt ég saknaði einskis nema heimilis míns þegar ég fer af því. Og barnanna minna þegar þau fara af heimilinu. Heimili. Þvílík ástarmiðstöð. Mjaðmirnar eru ekkert í samanburði við heimilið. Í dag fannst mér sem allir væru sorgmæddir. Í þetta sinn gat ég ekki tekið þá hugsun á sjálfan mig. Að þetta væri nú bara hún ég sem væri svona sorgmædd og væri að reyna að troða þeirri tilfinningu yfir á heiminn. Nei. Meðvirkni mín var ekki slík því í dag var ég sátt og hinir sorgmæddir. Sem þýðir víst líka að ég sé meðvirk. Aldrei með í liðinu - alltaf í eyðimörk. Hamingjusöm í eyðimörkinni. En hinir voru ekkert sorgmæddir. Við vorum bara öll svona íhugul yfir persónulegum sigrum og taktföstum breytingum.

Þá var komið haust. Allt var á sínum stað. Kirkjugarðurinn, bókasafnið, háskólinn og laufin svona klístruð eins og gömul hugsun sem hefur þjónað sínum tilgangi. Haustið hætti að vera skáldskapur. Steig út úr sögunni sinni og fór að hjóla í roki og rigningu. Síðan var beðið. Biðin ríghélt í eitthvað þarna inni í líkamanum. Líklega var það ég sem sat þarna inni í líkamanum. Kannaðist ekkert við þessa fingur og þessi brjóst og húðina. Alltaf í útlöndum. "Hingað hef ég aldrei komið áður" segir maður bara við æðarnar sínar. Horfa svo í augun á ókunnugum og finna hvað það er erfitt að vera ekki í sjálfum sér. Vera bara titrandi augasteinn í roki og rigningu með líkama fullan af gömlum hugsunum. Ekki að gamlar hugsanir séu neitt slæmar en þær eru bara svo rakar og slepjulegar. Haustið hefur skilið eftir sig blóðug för á hálsinum á mér. Þetta haust eins og hin haustin sem þyrstir í ímyndun, lifandi steina, nál og tvinna og bútasaumaða ást með rúgbrauði og plokkfiski. En allt var bara...

Alveg dásamleg mynd....

"Over the next 2-3 months everybody, and we mean EVERYBODY will be in a brand new movie. Your situation is about to change. You probably already feel it, and you have to go forward into a new adventure." Michael Lutin

Ég er alveg svakalega væmin núna. Sæt og væmin. Borðaði líka kökur í dag. Þær gera mig svo væmna og auðvitað sexí líka sko. Sérstaklega um mjaðmirnar. Svo syng ég bara You do something to me: You do something to me, something deep inside I'm hanging on the wire for a love I'll never find You do something wonderful then chase it all away Mixing my emotions that throws me back again Hanging on the wire, I'm waiting for the change I'm dancing through the fire, just to catch a flame an' feel real again You do something to me somewhere deep inside I'm hoping to get close to a peace I cannot find Dancing through the fire just to catch a flame Just to get close to, just close enough To tell you that..... You do something to me something deep inside. Svona er að vera sæt og kökuleg kerling í stofunni sinni heima þar sem allt má. Líka þetta og hitt sem hefur verið bannað svo lengi að sólstöður hafa gleymt að tjekka inn. Svo heyrði ég hrópað út úr sjónvarpinu að kraftaver...

nú er að skapa dúndur stundaskrá fyrir næsta misseri... vakna 6.30 já og hérna svo kemur allt hitt nudd, jóga, rækt, sellufundir og kokteilstundir

ég varð að riðla planinu stökkva af stað en er komin aftur og vona bara að þetta verði allt í lagi

Yndið mitt Evan mín á afmæli í dag!!!

"Fear strikes me only at times. On the road. In a strange city." Wislawa Szymborska (Úr ljóðinu WRITTEN IN A HOTEL frá árinu 1967)

júlímánuður hefur verið alveg stórskemmtilegur og mikil ferða- og framkvæmdagleði einkennt litlu fjölskylduna: Valbjarnarvellir, Grímsnes, Laugavatn, Akureyri, Lundareykjadalur, Kaupmannahöfn - þvælst um hingað og þangað. sú stutta með samvöxnu tærnar hefur fest mánuðinn á nokkuð margar forvitnilegar stillimyndir ágúst er nokkuð óljós óplanaður - og þó...

alveg á mörkunum að ég nenni að fara í vinnuna á morgun hmmmm - en svo er það kaupmannahöfn á fimmtudaginn annars langar mig að fara út að dansa en er með þynnku í maganum mínum eftir að hafa sötrað allt hvítvín sem fannst hjá fallegum kisum í skugganum en dagurinn var ljúfur með hugmyndakonunni minni sem og hinum ferðafélögunum. við drukkum þó nokkuð marga kaffibolla og bökuðum pizzur - eða börnin sáu nú aðallega um það blessunin sumarið er fallegt eins og þú

ég skal þrögla eitthvað um lífið mitt. deila því. það er ekkert smá gott þetta líf mitt. stundum fylllist ég skelfingu yfir því. verð alveg skíthrædd um að ég þurfi að fara að borga og borga fyrir eðalvagninn sem fleytir mér áfram þessi misserin. og dagurinn í dag er þokkalega fallegur og góður. var vakin af værum blundi í morgunsárið við að yndælis barnsfaðirinn kíkti við. lagaði kaffibolla handa okkur foreldrunum svo við gætum sötrað yfir kornflexi skottunnar og dáðst að geislunum sem hún framleiðir. þau héldu sínar leiðir og ég rölti með moggann og kaffibollann til vinkonufegurðarinnar á næsta horni. meira sötr sötrrr. aftur heim og garfað í músík leeeengi lengi. malað í símann um stóra merkisundrið mitt sem sefur fram yfir hádegi og vampírast á næturnar. spilað hátt músíku um allar jarðir og síðan hent sér á fákinn og hjólað upp í rækt þar sem svitinn fékk að renna. dásamlegt já. það fer mér reyndar svo illa að segja alltaf frá því hvað allt sé yndislegt, eins og ég sé ekki í karak...

jebb - það er eitthvað við þig

og ég endurtek vegna mikilvægis og galdurs orða: "make yourself feel and look georgeous"

það var uppselt á megas og ólöfu þegar mín kom hjólandi en hitti dásamlega vinkonu og skrafaði mig nær ást og yl en það fer nú að líða að blessuðu fríinu - rúmir 3 vinnudagar eftir áður en ég skelli mér upp í flugvélina sem sendir mig í vært sumar

taka til og hreinsa út í vinnunni, á heimilinu, í sjálfum mér tiltekt út í eitt

Fyrir okkur nautin og hin dýrin í garðinum líka: 30 july TAURUS STILL RULES and wherever you have it you need to feel prosperous as well as generous because you've got to keep it flowing when you do the current never stops It's tricky, because Venus will square Chiron, Jupiter and Neptune now so there is also a wasteful kind of manic feeling that good times have returned and there's no further need to think about any global financial crisis nonsense this transit can lead you astray so keep your mind on the flow of prosperity but know that pluto in capricorn is a long long transit and it means it ain't over yet Og að auki bætir Michael Lutin við: Venus may be in Taurus for only a few weeks, but it’s here to remind you that, vain or not, there are moments when it’s worth any effort you put into making yourself feel and look gorgeous, whether you go to hell for it or not.

Í nótt dreymdi mig Michael Jackson í líki Dalai Lama Hann var pakkaður inn í mikinn búning svo einungis sást í andlit hans og eina hönd. Hörund hans var fallega brúnt og fólk stóð í röð með silkitrefla til að fá að heiðra hann með handarbandi og silkiklút. Ég stóð í röðinni með hvítan klút og hafði áhyggjur af að hann væri krumpaður og að kannski væri lykt af honum. Mannalykt. Þegar röðin var að koma að mér þá gat Michael ekki meira af mannakontakt og með mikilli blíðu þokaðist hann í gegnum þvögu af fólksmaurum.

mig langar að dansa aftur

it is a passionate and even hedonistic moment as well when pleasure is an absolutely must so it's quite a hot tamale it's rare and in Taurus it confirms your need for satisfying your appetites all of them it feels good it has to feel good you get the sense that yup everything is going to be all right get to enjoy the good moments FEEL PROSPEROUS and no matter what the bank account looks like just remember how rich you are YOUR APPETITE IS OFF THE SCALE SO JUST TRY TO CURB IT JUST TRY no nervous breakdown today find someone to stabilize you earth signs ALWAYS help you get done what you have to get done without flipping out segir herra Lutin!

það er svo gott að hafa svona sumar svo ósköp gott tel daga niður í frí - þarf að vera svoldið þolinmóð þangað til þá næri ég mitt blómablæti og kasta bakteríum leita að batteríum daðra við sjálfan mig og sýð nýveiddan fisk á kvöldin og opna dós af draumum með ferja mig yfir í dalinn þinn þar sem sjaldgæfustu blómin þessi dýrmætu vaxa vaxa á mér hey og fæli burt híenur þegar þær sækja að frem fögnuð og fjandinn skal eiga mig ef ég berst ekki við þig kálfur hálfur af ormétnum ótta sumarið mitt er væntingarlaust og birtan vekur mig birtan svæfir mig birtan faðmar mig birtan strýkur vanga vær ég skal vera þessi mær ástin mín þú veist að allt fer vel allt endar í fagradal

Fallegir dagar en þreyta sækir að mér. Það var góð upplifun að heyra og sjá Dalai Lama. Ósköp ljúf stund. Að sjá allt þetta fólk samankomið til að hlýða á trú á það góða gaf nú yl í hjartað. En hvað á ég að gera við sjálfa mig? Þiggja það góða þiggja það góða já.

Hvernig á ég að fara að þessu ein. Alein. Þetta sagði hún. Og við þetta varð ég svo ósköp sterk og sorgmædd. Fann að í djúpinu blundar allur styrkurinn og líka þessi óskiljanlega sorg. Óslípuð og tær fegurð. Hvernig ber að takast á við þessa fjarska fegurð. Svo skreið hún inn í skáldskap: "Sá friður sem við þráum festir ekki rætur í heiminum" (Hannes Pétursson) Dvaldi um hríð þar til kláðinn fór að segja til sín.... Komdu - var það eina sem kom upp í hugann. Von og óvissa fæddi af sér frekara bergmál - komdu. Ekkó var horfinn inn í skóginn og líkami hennar orðinn að tré í Vesturbænum. Þögult reipi var bundið í eina greinina. Raunverulegt reipi sem gott væri að máta við slagæðar. "Flest er það í brotum sem við berum okkur í munn. Lokum nú augum eitt andartak. Hvílumst. Hlustum ef við getum á lífið - hina löngu hugsun" (HP) Ekkó ómaði áfram í leit að sínum Narkissosi og ég lokaði augunum eitt andartak.

"bara vera og ekki gera" sagði hún Kristbjörg já það er gott og blessað

kannski voru það bara þessi blessuðu augu

fór að vinna í morgun og litla skottan kom með til að vera mér til skemmtunar. jú og eftir nokkra tíma á hlöðunni var haldið í kringluna og svoldið af góssi keypt í sjoppum þar til að geta mögulega fegrað sig og aukið á yndi. þetta var hin ágætasta ferð og kortið ágætlega straujað en eftir að heim er komið með bónuspoka, nýja tösku, snyrtivörur og fleira í þeim dúr þá er ég eins og dauðyfli. aum og ómögulega þreytt en en en þó sátt við hið blessaða veraldlega stúss. mér varð hins vegar á að líta í spegil og brá all svakalega. hvað er að gerast - where is my style??? haaaa... og ég sem borða svona líka mikið af grænmeti og fer fjórum sinnum i viku í ræktina og er öll jurtuð upp. eiheins gott að ég var að bjútítjútíast þarna miðaldra í mollinu. en skottan litla er enn syngjandi hress alveg frá því í morgun og það er hreint svakalega hressandi.

litla skottan: (æpandi út um gluggann á eftir fólki) DREPA DREPA DREPA DREPA DREPA DREPA DREPA DREPA DREPA DREPA mamman: hvað ertu eiginlega að segja. þetta er ekki fallegt. viltu hætta þessu strax. litla skottan: nú af hverju? mamman: því það er ekkkert fallegt að æpa svona lagað. litla skottan: allt í þessu fína. en stuttu síðar: litla skottan: DREPA DREPA DREPA DREPA DREPA DREPA mamman: hættu nú að æpa þetta. litla skottan: en allt fólkið kallar svona. mamman: haaaa hvaða fólk??? litla skottan: nú allt fólkið í Simpsons!!!!

Í tílefni þessa fagra sumardags þá eldaði ég einkar fallegan og góðan sumarlegan mat: Bleikju með appelsínukaramellu rótargrænmeti!!!! Bleikja Krydd á bleikjuna: rifinn sítrónubörkur kapers maldonsalt pipar möluð sólblómafræ fersk basilíka ólívuolía allt hakkað vel saman og borið vel yfir bleikjuna í eldföstu móti - skellt inn í 200 gráðu heitan ofn Appelsínukaramellu rótargrænmeti: Nokkrar litlar kartöflur 1 stóra sæta kartöflu ca. 2 gulrætur Appelsínutrópí - 1 pela eða svo Hollan grænmetistening smá maldonsalt kókosolía 1-2 tsk pla nam fiskiolía Rótargrænmetið er skorið í þunnar sneiðar og steikt í kókosolíu með smá salti. Appelsínusafa bætt við og látið malla nokkuð. Grænmetistening og smá fiskiolía bætt við. Allt látið karamellast saman á lágum hita. Síðan er gott að setja appelsínugrænmetið yfir bleikjuna þegar borið er fram. Græn salat er einnig ómissandi með! Þetta alveg reddaði deginum ásamt góðu kompaníi dætra minna og öllum kertaljósunum. Gott hvítvín væri auðvitað snilld með...

ég er svefngengill vorsins

Fía hefur verið að velta fyrir sér hvort hún ætti aftur að taka upp þá iðju er nefnist bóklestur en hún hefur ekki komist að niðurstöðu enn sem komið er hún mun efalaust velta þessu fyrir sér um nokkra hríð og raula kannski lagstúf við bessie smith í sínum lífsþrungnu vangaveltum

Fía hlustar á Halldór lesa sína Atómstöð Fía skellir upp úr Fía vinnur vinnuna sína Fía borðar steinbít

Mæli með þessum hér . Hugsa að ég dembi mér í sjoppuna að kaupa THERE IS AN OCEAN THAT DIVIDES AND WITH MY LONGING I CAN CHARGE IT WITH A VOLTAGE THAT'S SO VIOLENT TO CROSS IT COULD MEAN DEATH hið fyrsta. Kemur út eftir nokkra daga.. Það er líkt og rödd hans hafi verið maríneruð í David Bowie og heilagri melankolíu með ilmdropum frá guði. Ósköp væri ég til í að fara á tónlistar festival í júlí að hlusta á Scotth Matthew og Antony. Og fá svona smá skvettu frá heilögum anda. mmmmm hrmmmm... Þú getur hlustað á Silent Nights hér fyrir neðan sem kom út fyrir síðustu jól að ég tel.

og á nóinu fór ég eftir skipunum herra Lutins sem sagði mér að hætta að tríta líf mitt sem hryllilega dagvinnu. jessöríbob. núna er ég að tríta líf mitt sem himneskt ferðalag í omdúrman. jájájájá þannig er það nú bara. og beint í ræktina með hana ramblandi konuna sem reynir að finna út úr þessu með hvað hún er stórkostlega góð í að .......

og Lutin segir: thursday 16th The secret to success? Who the hell knows? One thing is for sure, however. If you stay the course don't panic every other five minutes don't jump ship now keep doing what you do best better than you ever did stop treating your life as a horrible day job or think you're stuck in quick-drying cement do whatever you do do, better than everybody else and not look too far in the future you should be ok

Hvar ertu ljóðið mitt?

því við lifum á tímum námskeiðanna þá þyrfti ég að fara á einbeitingarnámskeið, hraðlestrarnámskeið, ástarnámskeið og hugrekkisnámskeið. og ég gæti nefnt fleiri en ætli þessi væru ekki ágæt til að byrja með. en ég er aðeins á átaksnámskeiði í sprikkli og svitaframleiðslu. einmitt.

ég bið um syndaaflausn ég hefi etið súkkulaði og svínakjöt og mun fara með 25 maríubænir annars er allt vel vanið og værukært og ljúfa lífið fær að dómínera litla skottan: mamma mamma mamma jesú reis upp. mamman: mmmm. ég ætla að hvíla mig aðeins meira. ls: guð galdraði hann upp til himna þar sem stjörnurnar eru. m: jaaaá einmitt jájá. jamm guð er pabbi jesú. ls: Í ALVÖRU - heitir hann þá Jesú Guðsson??? m: jájá guð er pabbi allra. ls: Í ALVÖRU - og líka afa og ömmu??? (með mikilli undrun í málrómi) m: jamm - guð er mamma og pabbi allra. ls: vá þá ætla ég að fara í rauða prinsessukjólinn minn.....

þessi helgi var ágæt ég var döpur á föstudagskvöldið en hressari á laugardeginum og fór í vinnuna mína gekk síðan um sólríkan sem og rigningarþrunginn bæinn með vinkonu og nældi mér í tebolla hér og þar og svo var etið svoldið sushi og gengið meira um og heim á leið í spjall undir tónum og reykelsisilmi í dag var það stúss með skottunni sinni, farið í messu og búðir og síðan sofið heilósköpin jamm - gott að vita af stuttri vinnuviku þó svo ég skuldi enn blessaða vinnutíma ég man ekki lengur eitthvað um þig sem vakti mig af dvala og kveikti losta man ekki lengur hvar ég hýsti þessa innri leit finnst raunsæið fallegt á sinn einfalda hátt við rósa bardagafiskur eigum kannski fleira sameiginlegt en virðist fljótt á litið

ég er í Jane Eyre ham

Og í gleði minni má ég til með að láta orð Lutins flakka hér: "No matter what you are doing, coping with or handling love is always possible happiness is always possible well, not always but right now with the Lunation on Venus it is a period of good will and optimism when positive energy pays off And you gotta grab those moments and carpe the hell out of that diem temporary or not happiness is possible"

Vá þetta er æðislegur dagur - dásamlegt að vakna við þessa blíðu birtu og helgarbjarma blu blu ble blí En hér er blíður drykkur í tilefni dagsins. Fékk mér hann í morgunmat og hann virkar mildandi vel á skarnið: 1 banani 1 epli ca. 1/4 ferskur ananas soyamjólk og slatti af henni kókosananassafi smá af honum myntulauf - nokkur, þarf ekki mikið sólbómafræ - ca. 1 msk möluð fræ (ég mala mín fræ í forláta kaffikvörn) vanilludropa Jamm og öllu blandað vel nokkra stund. Mjög fínn og ferskur morgundrykkur en skottunum finnst hann skrítinn.

Hér er fín basísk drykkjarsúpa: 1 agúrka (skræla og hreinsa) 1 grænt epli (skræla og hreinsa) spínat (ca. 1/3 af poka) steinselja nokkur myntulauf engifer (ein væn sneið söxuð niður) vatn Þessu er öllu blandað vel saman í blandara. Myntulaufin eru mjög mikilvæg hér, en þó má alls ekki vera of mikið af þeim heldur. Svo er auðvitað hægt að sleppa eplinu - en mér finnst samt ótrúlega gott að hafa það með. Síðan er hér jarðaberjadrykkur Þulu en hún er nokkuð gefin fyrir jarðaber sem og bleikan lit. Þetta er hollur eftir - eða milliréttur. Hægt að drekka með grænu og bleiku röri ef drykkurinn er ekki hafður of þykkur: 1 banani ferskur ananas (1/4 ca.) nokkur frosin jarðaber smá jarðaberjasafi (má einnig nota t.d. epla -eða ananassafa) smá kanil smá agavesýróp hrísmjólk eftir smekk (má einnig nota venjulega mjólk eða soyamjólk) Öllu blandað mjög vel saman. Látið hringsnúast vel og lengi í blandaranum og síðan drukkið beint í fínu glasi og jafnvel með röri því hún segir það svo huggulegt.

matur matur matur: morgunmatur: epli, pera, vatn, kanill blandara blandað og drukkið jurtir, olía, vítamín, vatn hádegi: soyajógúrt jurtir og vatn síðdegi: grænan hristing: spínat, epli, brokkolí, kóríander, engifer, vatn upphituð gulrótarsúpa vatn hrökkbrauð með kókosolíu kvöldmatur: grænn hristingur: banani, spínat, klettasalat, myntulauf, smá jarðaberjasafi, vatn tortillaflögur hrísköku með súkkulaði jurtir og vatn

mér tókst að skila af mér skattaframtalinu

æ veistu hvað ég sakna þín já ég er eiginlega hissa á sjálfri mér en ég sakna þín samt vera í þér og þú í mér - elsku ágæti háskóli

jææææja þá er það laugardags-seðillinn: Morgunmatur: banani, epli, 1 frosið jarðaber, kirsuberja soyajógúrt, soyamjólk, möluð fræ, haframjöl, kanill Öllu blandað saman og drukkið Hörfræolía, jurtir, vítamín, vatn Te Hádegismatur: Sushi: fiskmeti, grjón, grænmeti, þang - mmmmmm Vatn Síðdegis: Vatn og vatn, jurtir Kvöldmatur Kjúklingur (eldaður heill í ofni) rótargrænmeti í ofni: sæt kartafla, venjuleg kartafla, gulrætur, epli, ferskt rósmarín, smá olía Vatn Jarðaber Kvöldsnæðingur: Súkkulaðikaka með kúrbít: 70% súkkulaði, spelt, agavesýróp, egg, kókosolía, lyftiduft, kúrbítur, smá salt Vatn + jurtir

æh ég man ekki hvað ég borðaði í gær en það var eitthvað salat salat, flatkaka, hafragrautur, salat, ávextir, pizzusneið og popp skal reyna að fylla út matseðlaprógram laugardagsins í staðin skohohoho en núna ætla ég að leggja mig því það er gott

matseðill já í staðin fyrir myndir úr nærfataskúffunni enda er þetta mun áhugaverðara: Morgunmatur Hafragrautur með möluðum sólblóma- og hörfræjum, kanil og hrísmjólk Hörfræolía, jurtir, vítamin og vatn. Te Hádegismatur Grænn og góður drykkur: Frosnir mangóbitar, epli, spínat, brokkolí, steinselja, kóríander, vatn. Mjög ljúffengt. + vatn og jurtir Sídegis Maístortilluflögur Flatkaka með smjöri 2 hrökkbrauð með kóríanderpestó vatn Kvöldmatur Grænmetissúpa: Gulrætur, sæt kartafla, sellerírót, sellerí, ferskt engifer saxað saman og sett í pott með 1 1/2 lítra af vatni Látið sjóða í kannski 20 mínútur með grænmetiskrafti Bætt í smá smjöri, sítrónusafa, meiri grænmetiskrafti, maldonsalti, pipar Sett í blandara í smá stund - síðan aftur í pott Bætt út í kóríander, steinselju, blaðlauk - látið malla svoldið saman og piprað og saltað eftir smekk Súpan var svo etin með hafrabrauðsneið með hummus, hafrabrauðsneið með kóríanderpestó hráum gulrótum og hvítkáli (tilbúið í pokum og algjört nammigott...

já og þá er það matseðill dagsins: Morgun Vatn og vatn Morgunmatur: Blandaradrykkjargrautur: Banani, epli, kókosananasdjús, kanill, vanilludropa, hrísmjólk, haframjöl Öllu blandað saman og drukkið í rólegheitunum nottulega Hörfræolía, jurtir, vítamín, vatn Te Hádegismatur: Orkumatardrykkur: Lambhagasalat, spínat og nóg af því, steinselja, engifer, 2-3 lúkur frosin blönduð ber, vatn+kókosananassafi Öllu blandað saman - og þar sem þetta var í súrara lagi (en berin eru nokkuð súr) þá bætti ég við svolítið af kanil og agavesýrópi. Látið hringsnúast nokkra stund í blandaranum og síðan drukkið hægt og rólega. Jurtir og vatn Síðdegis: Flatkaka með smjöri 1 hafrakex vatn Kvöldmatur - snemma Kjúklingur með grænmeti á pönnu: Kjúklingabringur kryddaðar með karrí, maldonsalti og pipari steiktar á miðlungshita í ólívuolíu + grænmetiskraftur út í (ég nota Rapsunel - einkar bragðgóður og án msg) sellerírót (það sem ég kalla alltaf pastinak) sæt kartafla kúrbítur sellerí púrrulaukur Allt saxað og set...

Matseðill dagsins með uppskriftum því líf mitt snýst um mataræði: Morgunmatur Vatn Morgunhristingur: Banani, epli, nokkur frosin jarðaber, smá kanill, smá engiferduft, haframjöl, hrísmjólk Öllu blandað saman í blandara og drukkið af mikilli gleði Hörfræolía, jurtir og vítamín og vatn Hádegismatur - í seinna lagi Græn orkusúpa: 1/2 banani, 1 epli, fullt af spínati, slatti af brokkolí, steinselja, kóríander, smá ferskt engifer, avókadó, vatn Öllu blandað saman nema avókadói - þegar innihaldið er orðið að fallega grænum og ilmandi sjeik er avókadóinu bætt við og látið hringsnúast svolítið með. Síðan er þessu helt í stóra góða undirskál - skreytt með steinselju og borðað í rólegheitum með miklu þakklæti. Jurtir og vatn Síðdegis: 2 hrökk brauð með kókósolíu 1 hafrabrauðsneið með hummus eplasafi, vatn Síðar: Nokkrar melónusneiðar Enn síðar: Blómkál Kvöldmatur - í seinna lagi Karríkjúklingabaunakássa: 1/2 laukur 1/2 graslaukur 3-4 hvítlauksrif steikt saman með olíu og vatni 1 tsk kanill 2 tsk...

í fjölmiðlalausum heimi fæddist einfætta konan á morgnana strauk hún yrjóttan feld kattarins sem hafði gleymt öllu frekara mjálmi með kaffibollanum hlýddi hún á barokktónlist og las upp úr sjálfri sér saurugar hugsanir

haus bil og verkja þil undir iljum draugar í hálsi og ný tunga temur þennan dauða

en ég elsk ´ann Jóhann árans kjóann jafnvel þó ´ann sé eins og hann er

hvernig væri að fara að róa á önnur mið elskan fara yfir landamærin með poka sinn og anda djúpt að sér nýju lofti

ég gæti drepið fyrir frídaga

síðan sagði guð líka að ég ætti að vera óhrædd og að héðan í frá skyldi ég menn veiða alveg eins og hann sagði við hann Símon sem var að reyna veiða fisk í netin sín og ekkert gekk hjá karlgreyinu svo ég bara hlýði og og og og fer og veiði menn óhrædddddd huhhhhh heehhh hjálp....

heyrðu og vegna blótsyrðanna hér að neðan þá skipaði guð mér að fara með 25 maríubænir og : "Ég neyti holls og nærandi matar og drykkjar, ég snyrti og klæði líkama minn með alúð og líkaminn bregst við með kærleika, heilbrigði og orku....... Í veröld minni er allt af hinu góða" Amen

allt skrifstuð sem einhvern tíman hrjáði mig er horfið - líklegast for gúd svo að unglingaljóðrænan sem bjó í skúffunum er gufuð upp. hún hefur líklegast keypt sér nýja gönguskó og farið á hálendið og sleppt skúffufagurfræðinni þar lausri eins og aska nýlátinnar (tja eða löngu látinnar). eftir stendur bara náttúra og raunveruleiki. en ég bý svo vel að því í dag að hafa marínerað kjúkling yfir nóttina sem og bakað dýrindis muffinskökur (sykur, hveiti og mjólkur lausar nota bene). þannig að sunnudagssteikin blessuð var framreidd í hádeginu og svo var arkað um í þessum djeskotans kulda og aftur heim að borða ananasmúffurnar góðu. annars leiðist mér margt og er full af gremju. þurfti bara að skrifta því hér niður á galgopans alnetið. og þá er það komið. og já það verður gott þegar þessi mánuður verður búiinn. andskoti mörgu áorkað - skulum við vona - þegar 1. apríl rennur í hlað. jájá núið bla bla bla - sama er mér.

vas ist das? los kraftawerk ein robot bitte los angeles

Þessi vika hefur verið alveg hreint ótrúlega fljót að líða. Föstudagur og klukkan að ganga 19 hér í hlöðunni..... Hvernig er það eru stjörnurnar í lognmollu og svefni? Var bara að spá sko.

Ég held sveimér þá að ég hafi barasta verið sammála hverju einasta orði Harolds Bloom í dönskum viðtalsþætti sem var á dagskrá Rúv í gær. Kom mér sannarlega á óvart! Ég jánkaði bara og sagði já einmitt einmitt, nákvæmlega, ákkúrat. Stórundarlegt.

Hér er Afleggjarinn hennar Auðar Ólafsdóttur lofuð og mælt með henni - en á dönsku heitir hún: Stiklingen. Þar er meðal annars talað um að bókin sé sérstaklega falleg sem og undarleg - og þegar verið er að tala um fegurð í þessu samhengi er henni líkt við gullaldarmálverk þar sem verið er að takast á við stóru spurningarnar. Og einnig í Politiken nokkrum dögum fyrr fær verk Sigurbjargar Þrastardóttur - Blysfarir einnig rífandi dóma. Sigurbjörgu er jafnvel líkt við Sylvíu Plath - jahérnahér já og minnst á leit að bókmenntalegum sársauka. Skrifari dómsins er hálf ringlaður en virðist engu að síður bergnuminn af verkinu. Á sænsku heitir bókin Fackeltåg.