Matseðill dagsins með uppskriftum því líf mitt snýst um mataræði:

Morgunmatur

Vatn

Morgunhristingur:

Banani, epli, nokkur frosin jarðaber, smá kanill, smá engiferduft, haframjöl, hrísmjólk
Öllu blandað saman í blandara og drukkið af mikilli gleði

Hörfræolía, jurtir og vítamín og vatn


Hádegismatur - í seinna lagi

Græn orkusúpa:

1/2 banani, 1 epli, fullt af spínati, slatti af brokkolí, steinselja, kóríander, smá ferskt engifer, avókadó, vatn
Öllu blandað saman nema avókadói - þegar innihaldið er orðið að fallega grænum og ilmandi sjeik er avókadóinu bætt við og látið hringsnúast svolítið með. Síðan er þessu helt í stóra góða undirskál - skreytt með steinselju og borðað í rólegheitum með miklu þakklæti.

Jurtir og vatn

Síðdegis:
2 hrökk brauð með kókósolíu
1 hafrabrauðsneið með hummus
eplasafi, vatn

Síðar:
Nokkrar melónusneiðar

Enn síðar:
Blómkál

Kvöldmatur - í seinna lagi
Karríkjúklingabaunakássa:

1/2 laukur
1/2 graslaukur
3-4 hvítlauksrif
steikt saman með olíu og vatni

1 tsk kanill
2 tsk kóríanderduft
2 tsk cumminduft
1-2 tsk karrí
smá chilipiparduft
bætt út í laukinn og látið marinerast vel + bæta vatni við

1/2-1 sæt kartafla
2-3 gulrætur
1/2 blómkálshaus
saxað niður og bætt út í karrílaukinn og blandað vel saman og látið malla saman

lítil kókosmjólk
2 grænmetisteningar
vatn eftir þörf
1 dós kjúklingabaunir
öllu blandað út í og látið krauma vel í góðan tíma svona eftir smekk og svengd

bæta fersku kóríander útí í lokin og pipar fyrir þá sem vilja

borðað með fersku salati og agúrkum og vatni vatni vatni + jurtir og vítamín

Svoleiðis var þessi ágæti dagur!

Ummæli

Hel sagði…
jurtir.jurtir?
hvaða jurtir?
1:10 f.h.
Fía Fender sagði…
hahah - jamm helling af jurtum, t.d. hafrar, ólívulauf, þari og fullt fleira
8:25 f.h.
krumma sagði…
vá mjög þróað, geriru eitthvað annað, hér býsnast fólk yfir því að ég sjóði bankabygg fyrir vikuna en ég á nú ekkert í þetta
9:53 f.h.
Fía Fender sagði…
nei ég geri ekkert annað - þetta er mitt líf
6:47 e.h.
Skrifa ummæli

Vinsælar færslur af þessu bloggi

Mynd
  The Substance er meistaralega gerður hryllingur frá Coralie Fargeat sem er bæði leikstjóri og handritshöfundur. Ég var búin að hlakka til að sjá myndina og bjóst við að það yrðu fáir í bíó á mánudagskvöldi í leiðinlegu veðri og myndin búin að vera um nokkurt skeið í sýningum. Ég elska sko að vera ein í bíói. En nei, nei það var mjög gleðilegt að sjá allt þetta fólk í Bíó Paradís. Við Þula fengum okkur kók og popp og helltum strax heilu glasi af gosi niður á gólfið í sætaröðinni okkar. Þetta slímuga sæta gos sem rann um gólfið varð mjög einkennandi fyrir kvikmyndina. Þegar myndin var búin hafði gosið gufað upp en eftir var ósýnilegt klístur. Elisabeth Sparkle hin fimmtuga sykursæta stjarna í fitness og kvikmyndabransanum þar sem útlits- og æskudýrkun er allsráðandi, endar einmitt sem klístur á gólfi og hverfur að lokum endanlega. Framleiðandinn Harry sem minnir óneitanlega á Harry Weinstein skiptir þessari „gömlu konu“ út fyrir nýja og unga útgáfu. Í gegnum alla kvikmyndina hugsað...
Lesa meira

Bækur á meðan ég hverf

Mynd
Nú tók ég upp á því að skrásetja eitt og annað frá október 2023 þegar ég setti búslóðina í geymslu og fór á vetrarflakk. Þar á meðal skrásetti ég hvaða bækur ég væri að lesa og/eða hlusta á. Les allt í bland og margar bækur á sama tíma, kláraði þær ekki allar en samt flestar. Mjög lengi með sumar og eins og elding með aðrar, eins og gengur. Ein og ein er ég að lesa aftur, og jafnvel aftur og aftur. Samt frekar sjaldgæft. Er enn að lesa sumar.  Þetta færir mér einhverja undarlega ró, yfirsýn, landslag sem fer í gegnum mig. Tek upp kíkinn og sé bátinn færast framhjá og hverfa inn í mistrið. Mér finnst allt vera að hverfa, aðallega ég sjálf. Kassinn með jólaskrautinu er til dæmis horfinn. Jólakúlurnar frá ömmu og afa og nostalgían. Gufaði bara upp í flutningum og ákvað þar með að sinn tími væri liðinn. Með skrásetningar áráttu skil ég eftir mig spor. Lestrarspor. Bý til járnbrautarteina í gegnum tímann á meðan ég skrifa, hverf, skrifa, hverf, les, hverf, les, er horfin til allrar hami...
Lesa meira

Madrigal

Madrigal Ég erfði dimman skóg þangað sem ég fer sjaldan. En sá dagur kemur þegar dauðir og lifendur skipta um stað. Þá fer skógurinn á hreyfingu. Við erum ekki án vonar. Alvarlegustu glæpir upp- lýsast aldrei þrátt fyrir viðleitni margra lögreglumanna. Á sama hátt er einhvers staðar í lífi okkar mikill óupplýstur kærleikur. Ég erfði dimman skóg en í dag geng ég í öðrum skógi, og hann er bjartur. Allt sem lifir syngur, hlykkjast, iðar og skríður! Það er vor og loftið ákaflega sterkt. Ég hef próf úr háskóla gleymsk- unnar og er jafn tómhentur og skyrtan á þvottasnúrunni. Tomas Tranströmer
Lesa meira