af mér er það helst að frétta að ég borðaði rauðkál í fyrsta sinn á ævinni og þótti gott æti með keti. gaufast í vinnunni þessa stundina og dreymir um kampavínið góða.
Færslur
endurnærð litla ég og góð og ljúf jól elsku þú "vilduð þér vera svo væn að taka bækurnar vilduð þér vera svo væn að taka blöðin skiljið eftir vatnið" ást meiri ást og Líneik syngur og dansar abba út í eitt og Eva sýgur í sig vampíruástina ég lygni aftur augunum yfir kertaljósum hlakka til að taka spilakvöld yfir svínabógi í kvöldinu
jól jól jól fór í jóladinner á jómfrúnni með vinnufélögum gekk svo um í jólasnjónum það voru nokkrar hræður á laugaveginum jú ég keypti fullt af jólagjöfum á VISA kortið mitt viva la visa svo tjekkaði ég á gamla kirkjugarðinum sem oftar núna er ég andvaka af magaverk og fótaverk að drepast í æðunum og öllu þarna innra en mikið sem ég er þakklát já fegurðin lifir hræin af
af hverju er ég ekki sofandi? því Jane Eyre hamurinn þuklaði sér í gegnum svitaholur sem fæddi af sér hugsanir sem kirkjufaðirinn í fjöllunum þekkti forðum þar var trúin fyrirferðarmikil og ástin eins og hlass á barkakýlinu tunguhaftið titrandi þoldi ekki við og lokaði pírðum augunum endanlega appelsín og læri af feitum sauð - var kyrjað í fjarska appelsín og læri af feitum sauð
það rættist vel úr gærdeginum og mér tókst að hitta fullt af fólki án þess að fara að grenja eða falla í yfirlið rifnaði úr stolti á tónleikum stóru skottunnar - hún tók sig svo vel út og er svo dásamlega falleg og einstök "mamma af hverju ertu alltaf að horfa á mig" ég fæ alveg ástföngnu störuna á blessað barnið sem er nottulega bara að verða hálf fullorðin já svo þurfti ég að skreiðast aftur heim í ból og hósta úr mér hlandi og æðum en óskaplega gott fólk reif mig um síðir út úr mókinu fyrst var farið út að eta og því næst var það Steinar í Djúpinu þar á eftir púrtari hjá góðum félaga ég hef legið í bælinu mínu dagana út og inn og varð því að segja frá því að mér tókst að komast úr því í gær og er auðvitað endurnærð núna heyri ég í dásamlegum kirkjuklukkunum hringja inn annan í aðventu yndislegt að kúra sér í hlýjunni með kertaljós og klukknahljóm
það er baráttuhugur í konunni með kinnholusýkinguna berjumst berjumst fyrir breyttu gildismati, breyttri hugsun, breyttu landslagi berjumst fyrir ástinni og nýju stjórnarfari berjumst fyrir heilsunni, berjumst fyrir réttlæti berjumst gegn niðulægjandi og kúgandi öflum berjumst já og svo ætlar hún að skrölta á gítartónleika frumburðarins evu sinnar
Hann mun aldrei gleym' henni
má til með að setja þetta lag hér inn í minningu töffarans góða og svo er hún stína vinkona svo sæt sæt sæt
ég hef verið alveg óskaplega lasin ef það skyldi hafa farið fram hjá ykkur systur og bræður sem ratið til mín EÐA ER ÉG KANNSKI ÖLLUM GLEYMD!!!! baaaahhh sjálfsvorkun mín hefur hreinlega öðlast vængi og náð nýjum hæðum í þessum veikindum ég skrölti mér út í Melabúðina góðu og eins og hræddur rykspúandi rakki ráfaði ég um hillurnar og leið eins og ég hefði ekki farið út í kjörbúð í 3 ár - en þér að segja er það aðeins rúm vika síðan ég hætti mér fyrir alvöru út á meðal manna núna skil ég af hverju jólasveinar eru svona undarlegir í háttum en ég náði þó ekki alveg þeirra töktum við kjötborðið því auk aukinnar sjálfsvorkunar þá hefur paranojan vaxið mér um hrygg og hnakkafestu en þetta hafðist þetta hafðist og heim er ég komin með maltflöskuna og flatkökurnar heim í hlýjan hellinn minn með mallandi rótsterka kjötsúpuna frá því í gær
ó ég vona að ég komist til manna komist til mótmæla á morgun á morgun seinna bráðum já bráðum elskan mín þetta kemur allt þú verður að berjast áfram við innri og ytri bakteríur sem herja á þig og hina hausinn, blóðið, skinnið, siðferðið, ræturnar á mennsku litlu tærnar þínar já ég vona að ég komist til manna
jájájá og líka ánægð með innlenda tilnefningu í ár, held ég sveimérþá - þó ég hafi nú reyndar bara lesið eina bók í þeim kór en þá er hún málið klárlega - jamm og áfram með framhaldssöguna: enn halda veikindi konunnar áfram, hún vissi ekki lengur hvaðan á sig stóð veðrið og þursti í ofboði morgun einn til læknisins. læknirinn var hress í bragði en er hann heyrði raunasögu konunnar og þreifaði á fölu skinni hennar þá ygldust á honum brýnnar og hann hrópaði: nei ó nei við verðum að taka á þessum vanda og það skjótt - berjumst við bakteríurnar berjumst.
Mikið er ég ánægð að sjá í Fréttablaðinu í dag að tilnefningar til Bókmenntaverðlauna Norðurlandaráðs væru eftirfarandi tvær bækur: Afleggjarinn eftir Auði A. Ólafsdóttur og. Blysfarir eftir Sigurbjörgu Þrastardóttur Þetta voru einmitt þær tvær bækur sem stóðu upp úr útgáfunni á síðasta ári - að mínu viti. Hér bæti ég inn stuttum rýnum mínum í þessar skræður sem birtist í Mogganum í fyrra. Vessskú: Að fæða sína goðsögu Blysfarir eftir Sigurbjörgu Þrastardóttur. JPV, 2007, 147 bls. Sé fyrir mér höfuð Orfeusar aðskilið frá búk á leið niður á syngjandi söngva um sína Evridísi í Hadesarheimum þegar stígið er inn í Blysfarir, ljóðasögu eftir Sigurbjörgu Þrastardóttur. Kannski hefur hverfulleikinn og endurtekningarmáttur hans slík áhrif að með hverjum slætti hjartans fæðist ný nútíma goðsaga, ný Kristjana F og Detlef. Aðdráttarafl klisjunnar er magnað ef að er gáð. Ljóðmælandi dregur lesanda með í minningarferð, blysför. Lýst er sambandi tveggja einstaklinga og staðsetningin er kofi, Þýskala
ó aumingja litla stelpan mín er svo ósköp veik litla greyið ælir eins og múkki dag eftir dag er með grasserandi eyrnabólgu í vinstra eyra og full af vökva í hægra eyra en hún kvartar ekkert liggur bara út af og mókir á milli kviða fallega skinnið mitt og ég er að baka dásamlega og djúsí döðlutertu með heitri karamellusósu en ekki fyrir mig nei - aðventuhátíð Landakotskóla er á morgun ég ætla bera í þau þvílíkar kræsingar ég the spinster
í fegurðardvalanum leyndust óvæntir draumar. upp úr einni hrotunni skall á bræðingur með myrkravöldum og þrám. en allt gerist þetta með mikilli blómlegri leynd. og veikindin láta okkur ekkert í friði þar. hér spýjast út kviðakveisur í bland við heyrnarleysi. hinar og þessar stíflur með vanalegum verkjum og tilheyrandi líkamshita. horfi yfir kirkjugarðinn og skrifa með prikinu í frostið. jörðin er umhleypingasöm. peningurinn er búinn og það er að komið að aðventu. ljósin mín í glugganum. ástin mín í hellinum. þráin í hliðarveröld. kaffikannan er brotin en brjálaða konan í rjáfrinu ræður sér ekki fyrir þorsta. lungun er á límd á vegginn undir rauðglitrandi himnasæng. aðdráttaraflið dregur mig nær.
sauma upp í mig tunguna og festi augun betur við augnbotna skrúfa upp hendurnar og lími lungun á sinn stað en fæturnir hins vegar fóru ekkert drösluðust bara í húðinni með perlur á þráðum krókódílaskinn á iljunum hárið er að vaxa og neglurnar líka horið vex í takt við vindinn djöfuls læti í þér drepa drepa drepa segir lítil kónguló í vélinda drepa drepa drepa en ég rétt náði að skrúfa of langa löngutöng upp á sin og snara henni niður í kok ofan í vélinda og merja kvikindið þar undir nögl núna hreyfir hún bara eitt augnhár í naglaskít og segir: drrrrrr vísindafóður
Makt Jag är den befallande styrkan. Var finnas de som följa mig? Även de största bära sin sköld på drömmarsätt. Finnes det ingen som läser hänförelsens kraft i mina ögon? Finnes det ingen som fattar, då jag med låg röst säger lätta ord till de närmaste? Jag följer ingen lag. Jag är lag i mig själv. Jag är människan som tager. Edith Södergran, Framtidens skugga, 1920
Þá er komið að herra Lutin: "Lots of people are really nervous. Some are even going a little cuckoo. It does seem as if you’ve been speeding toward a rock. Slammed up against a situation you’ll never be able to figure out or resolve. You will, of course, straighten everything out-- if you give yourself the time and are willing to change your life."
æðislegur dagur kafffi og rúv og þú elsku tölva síðan er það að næla sér í nokkra klukkutíma í vinnunni til að stimpilklukkan hætti ekki að elska mig og ég segi það enn og aftur: hver þarf ást sem hefur allt umvefjandi faðmandi elskandi stimpilklukku. og bækur bækur bækur - þarf að setja mig í gírinn og spæna mér í ástand orða - verða forritari frá undirstöðunum - síðan eru það MÓTMÆLI elsku vinir - það bætast alltaf fleiri og fleiri og ég hef þá trú að samkoman hafi mjög heilandi áhrif á sálartetur fólks sem á víst heima í þessu landi lengst á mörkum hafs og ára. horfði á there will be blood í gærkveldi. hmmmm.... hún hreif mig ekki en þessi gaur er þó snillingur hann þarna daniel sem svo leikur hann daniel olíumann. jú en sagan er þó góð og á einmitt erindi - blessuð græðgin, einstefna, einræði - grasssserandi. allt í einu efast ég um mannlegt eðli. hef misst trú á stjórnmálaöflum - öllum. efast um lýðræðið og þegar maður efast um lýðræði þá er eins og að komast að því að jörðin sem
Nokkkur brot úr skáldsögu sem er mér svo kær: "Ég fann hvernig lungun á mér þöndust er útsýnið streymdi inn - loft, fjöll, tré, fólk. Ég hugsaði með mér: "Svona er að vera hamingjusamur."" "Í skugglausri víðáttu hádegisbirtunnar, virtist vatnið einhvern veginn vinalegt og aðlaðandi. Mér fannst eins og drukknun hlyti að vera besta leiðin til að deyja, og að brenna sú versta. Sum þessara barna í krukkunum sem Buddy Willard hafði sýnt mér voru með tálkn, sagði hann. Þau fóru í gegnum stig þar sem þau voru alveg eins og fiskar." "Síðan ferjaði ég þunga, rykfallna eldiviðarbútana yfir að opinu að holunni. Myrkrið var þykkt eins og flauel. Ég teygði mig eftir vatnsglasinu og pillunum, og skreið varlega á hnjánum, með höfuðið beygt niður, alla leið að fjarlægasta veggnum. Köngulóarvefirnir snertu andlitið á mér eins mjúklega og mölur. Ég vafði regnkápunni utan um mig eins og mínum eigin ljúfa skugga, skrúfaði lokið af pilluglasinu og fór að gleypa þær með hr
ég er alltaf að leita svara og núna þarf ég að vita af hverju ég er að drepast í tungunni? brunasáratilfinningin alveg óþolandi þetta er verulega dularfullt kemst ekki á fundinn í kvöld út af tungunni og hausnum allt að brenna brenna og orðið að ösku í sjálfri mér verð að lesa nýju bókina um hann Hallgrím Pé
Mæðgur fengu sér sopa á Mokka fyrir mótmæli nokkur og stúlkan segir hátt og snjallt: Mamma hvort pissaðirðu mikið eða lítið? Móðirin: Tjah ég held ég hafi pissað bara nokkuð mikið. Dóttirin: Þú veist það ekki. Móðirin: Heldurðu að ég hafi bara pissað lítið? Dóttirin: Því miður. (en þetta ku vera nokkuð móðins svar og einkar vinsælt hjá 4 ára dömu) Eftir þessar innihaldsríku samræður var síðustu kakódropunum skellt í sig og arkað af festu niður á Austurvöll.
það er allt svo ósköp erfitt suma daga að vakna, anda, borða, tala, horfa, ganga og allt hitt sem þarf víst líka að gera held ég verði nokkuð fegin þegar þessi mánuður klárast huhh er ég kannski alltaf að bíða eftir að einhver mánuður klárist hmmm neeeei - verð bara fegin að klára ýmis mál til að geta byrjað að hlakka til jóla og leikið mér í aðventunni
við Rósa bardagafiskur erum hér einar heima saman að hlusta á blökkumannablús og að fagna í kaffi og blóðormum ég er í raun hrærð eftir þessa kosninganótt fékk mig ekki í háttinn fyrr en að verða hálf sex eftir ræðuna hans Obama þetta hreyfir við mér á óvæntan hátt - söguleg stund eins og marg hefur verið sagt - já vissulega sögulegir tilfinningalegir tímar jæja - en best að drífa sig samt í vinnuna þó mig langi að dansa í Kenya Rósa mín dansar uggunum sínum í bleikhvergilandi
við dömurnar í húsinu erum hressar með nóvember mér finnst eins og ég hafi vaknað fyrir þremur dögum en það er víst rétt að koma hádegi núna þvottur og uppvask er eilífðarverkefni á þessu heimili síðan er búið að græja baðferðir og fleira í kvöld ætla ég að hitta fagrar eðaldömur ég finn ekki skærin annars væri ég búin að klippa mig stutt en skærin skærin skærin eru skyndilega horfin inn í hallarkimana djöfull hef ég annars svindlað síðustu daga - það er nefnilega nýja lífið í nýja landinu en ljóð fyrir þig hér: "Hver getur sagt: Ég sjálfur? Ég? Og fundið til sín? Ánþessað eiga við samtíning af skrani? Hver geingur á jörðu faðmaður af himni og hittir alvöru fólk og fyllist af fólki dýrum grösum og grjóti sól túngli og stjörnum skýjum og regndropum milli himins og jarðar hérnamegin í þessu lífi haugafullur af kossmosa?" Dagur Sigurðarson
eigum við húka hér enn í rústum það er kominn vetur ég heyri það alveg sko út um þakgluggann hann lætur illa fyrir ofan rúmið mitt ég er reið ég er döpur ég er þakklát ég er með kjötsúpu í maganum því jú ég lagaði þessa dýrindis kjötsúpu í kvöldinu og svo bökuðum við dömurnar köku eftir á - ekkert hvítt hveiti, en ég svindlaði reyndar á sykru helvítinu ætli það sé þess vegna að ég andvaki hér nú eða ætli það sé kaffið úr vinnunni djöfulss þarf helvítis meikóver ný nýru ný lifur fyrir guð með röntgenaugun ný bætiefni fyrir auma íslendinga nýjar lifandi ullarpeysur
allt heilagt hérna megin smá dörtí hliðarspor þó en þau ná reyndar engum dörtífíling endalaust fundastand í dag er bara búin að vera í fíling sveimérþá ætli það sé heilagleikinn sem hefur þessi áhrif jæja... ætla að stökkva í strætó til að ná í jóga síðasta pæling var þarna: að valda ekki þjáningu. án þjáningar já. ahaaaa... spurning hvað verður nú spjú ást á eyrinni
æhh missti af jóganu mínu í dag er glorsoltin varla drukkið né etið liðlangan daginn er enn illt í nýranu fór á barinn í gær og það voru örfáar hræður allir heima að gráta best ég fari líka heim að gráta borði hafragraut með söltuðum tárum út á klóri mér í taugunum stungan stungi þú ert stungi minn í staðarstað er að leeeeka niður af stólbakinu færi ykkur þjóð minni eitt nýra að gjöf hreinsunaraðgerðir um allar jarðir ekki þverfótað fyrir nýrum kannski er að springa úr óþreyju spennutreyjukastið hitar mig upp leeeek af stólnum með hálft nýra fyrir snöru hálft nýra fyrir tré gróðurlegur ilmur undir húsinu þínu passaðu nú ræturnar elsku vinur passaðu líka lungun það gæti hlaupið bólga í berkjurnar óða sóða bólga þú veist jæja - berið þið vless og sjá sandur á milli bólginna tása haaaa
múhahahah: When things are this crazy, once you realize they are not going to get UNCRAZY any time soon, in a way it's liberating. It's freeing if you don't totally tear your hair out, mainly because then, you can go out and have a drink (if you're not in AA) and forget your troubles for a minute or two or off somehwere and even have a romantic tryst someplace outside your normal life . After all Venus Square Neptune is perfect for helping you forget. in fact that is a perfect name for the new scented perfume I'm not creating: VENUS SQUARE NEPTUNE "...will help you forget..." já ég held við ættum bara að drekka og hlusta á jazz eins og ég heyrði sagt í gær - dásamlegt
ó afsakiði elskurnar. það var lokað fyrir allt bloggfjármagnið og því neyddist ég hreinlega til þess að frysta síðuna. þykir það leitt. veit þetta hefur valdið ykkur ónotum en ég fann upp nýjar flæðandi aðferðir fyrir auð minn og magn. get þó ekki lofað ykkur hversu lengi ég get ausið úr þeirri brandíbelju. annars er allt gott. ég er nýkomin heim úr yndislegu orlofi úr næsta póstnúmeri. þar var tedrykkju haldið á lofti ásamt fleiri kúrilegheitum nærandi návistar. kirkjuklukkurnar hringdu vel og lengi rétt áðan. ég held þær séu komnar til að vera. ég ætla að horfa á silfrið á eftir. en núna er það frekari tedrykkja.
einu sinni bjó ég í danmörku ég var í leikhúsfræði í kaupmannahafnarháskóla ég fékk su-styrk - sem var um 30 þúsund krónur á mánuði það dugði svona fyrir húsaleigu og smotteríi öðru en til að ég og stelpan mín gætum nú fengið okkur frikadellur og hafragraut þá tók ég námslán í danmörku ofan á styrkinn held að tekjur mínar á mánuði hafi verið svona 49 þúsund krónur jú og við vorum fátækar en þetta gekk samt upp danska krónan var rúmar 9 íslenskar krónur í dag er danska krónan 25 og ég er að borga þetta fátæktarlán til baka lífið er yndislegt en þetta eru nú bara litlar upphæðir mér finnst bara eitthvað svo stutt síðan ég bjó í norðurmýrinni leigði þar fagra hæð og borgaði um 30 þúsund í leigu jedúddamía maður er barasta orðin gammel kone
ég heyrði sírenur kyrja út úr útvarpinu í eldhúsinu fann gaslekann liðast til mín úr loftræstikerfinu þóttist ekki taka eftir neinu og hélt áfram að vélrita finn sjálfvirka fingurna framandi á kjúkunum og gasið magnast í liðunum heróínmeistarinn framreiddi marens nýbakaðan og horfði ólundarlega í átt til mín því hann misskilur ástarþrá sem stelsýki veit líka allt um samsærið rukkarinn hefur engar hendur aðeins typpi og stórar nælur greyið
isss það er ekkert að mér bara tóm sýndarþreyta sýndarhósti og hausverkur farðu bara fyrr að sofa stelpa ehhhh, á ég að fara að sofa klukkan níu öll kvöld þá eða jiminn og maría magdalena ég skal sofa jessöríbob skal sofa eins og ég get stundum er það minn helsti kostur - svefninn jæææææjjjja hvað er í gangi eiginlega???
já hún á afmæli litla skottuskottan mín. 4 ára í dag. hún vaknaði með bros á vör. svo ánægð með tilveruna. fékk engan pakka og enga köku greyið því mamman er bara veikur aumingi með hita og hausverk. en hún er hæstánægð. við örkuðum í leikskólann og hún fór í fína kjólinn sinn og í fjólubláu loðsilkikápuna sína frá nepal og svo ullarlystana og rauðu bomsurnar. söng alla leiðina og alveg upp í falsettu sem vekur ávallt kátínu vegfarenda. ég píndi mig til þrjú í vinnunni og varð þá að skröltast heim í verkjalyf og undir sæng. jú en hafði það að kaupa kökudruslu og bleik blóm á heimleið. afmælisskottan var ótrúlega hrifin af að fá bleik blóm og bakarísdrusluköku. svo var bara kveikt á kertum og stuttu síðar varð mamman að leggja sig aftur. ég er að verða verulega þreytt á sjálfri mér í þessu ástandi. en þessi stóra 4 ára stelpa smælar bara út í eitt og finnst greinilega gott að vera 4 ára.
ég skal reyna ég lofa því að reyna eða er kannski bannað að segja það er það hálfkák og sama og dauði þú veist hálfhikák skák og mát en ef ég segi að ég reyni að gera mitt besta nei þá verður allt brjálað en ef ég segi ég ætla að gera mitt besta og að þegar ég geri mitt besta að þá er ég að reyna já þá get ég lofað því og ég lofa að hugsa ekki um bankamenn á nærbrókum með bindi á höfðinu ég lofa því að fara ekki og dingla mér með þeim og lakkrísnum ég lofa því ég lofa því og ég skal reyna að hugsa bara um pétur og úlfinn á hádegi því annars fer illa og alltaf þegar ég ætla að sýna af mér glæfraskap þá stekkur stígvélaðikötturinn fram eins og robin hood og rænir viljanum stingur honum í hægra stígvélið og vélar mig í sjóinn að leita að dauðum marglyttum
það virkar alltaf mjög illa á mig í pólitík þegar fólk fer að ata sinn pólitíska andstæðing aur í stað þess að ræða um sínar áherslur á málefnalegan hátt kannski er þetta einfalda gildran sem fallið er í, ekki skal ég svo sem segja, en fólk sem byrjar að drullumalla bíar sjálfan sig mest út. mér fannst McCain falla í þessa "einföldu gildru" í kappræðum í gær. í stað þess að fjalla um sína stefnu þá fór hann aftur og aftur að benda á Obama og reyna að tala niðrandi um hann. "Obama virðist ekki átta sig á...." sagði hann aftur og aftur og aftur. Obama gerði mun minna af þessu. jú einhverju sinni fór hann með tærnar í mallið en passaði sig yfirleitt að fjalla um sínar eigin skoðanir og stefnu út frá sjálfum sér og demókrötum en ekki út frá repúblikunum og orðum McCains. en þessar kappræður virðast reyndar meira og minna ganga út á að koma höggi á andstæðing sinn í stað þess að koma sínum málefnum á framfæri. sviðsetning og blekking. og nú er ég farin að hljóma kreisí v
uppáhaldið mitt um þessar mundir - algjört fíunammi: 1 pera 1/2 banani 1/2 grænt epli slatti af frosnum berjum (krækiberjum, bláberjum, jarðaberjum - það sem til er) 4-6 saxaðar döðlur slatti af hrísmjólk allt saxað og sett í blandara og blandað mjög vel saman - gott að láta það hringsnúast svoldið vel og vessgú beint í glösin - úr þessu færðu ca. tvö væn glös ath. að ef ekki eru notuð frosin ber þá er góð hugmynd að setja nokkra klaka í lokasnúning mmmm svalar hungri, þorsta og öðrum nautnum á skotstund!
kaffibrúsakellingin kjagaði heim á leið djöfull er lífið gottttttt og þessir litir í náttúrunni núna þeir gera mig næstum graða ég sagði NÆSTUM engan dónaskap sko bara eintóm stilla nei ekkert stóðlíf elskan rauð ber á brúnleitum blöðum blasa hér við mér úr eldhúsglugganum gólfið mitt framleiðir bleikt ryk og ég anda barokktónum fjandi fínt líf meira kaffi takk
fyrir utan mína andans sláturgerð nýtni endurvinnslu ást og táfýlu þá er blússandi leti blakandi vængjunum yfir þessum örugga degi ég byrjaði á að laga hafragraut og kaffi setja á reggílagið: me and armini og allt eftir kúnstnarinnar reglum en bletin blú blævængjum blotnaði í kaffilepjunni sem eyðir þér upp þarna sérðu ætla heim heim heim setja á reggílagið: me and armini dásama heimilið, slátrið og bleika litinn sem fyllir í fjöldaframleiðslu týndra sálna
sipp og hoj í gærmorgun bakaði ég þetta fína brauð sem ég fiffaði upp með gamalli uppskrift: 5 dl spelt 1 dl hveiti 1/2-1 dl haframjöl 1/2 dl hörfræ salt örlítinn kanil slatti af lyftidufti um 5-6 tsk. 2 1/2 dl AB-mjólk 2 1/2 dl vatn Þurrefnum bætt vel saman. Síðan restin sett út í og lítillega hrært í. Skellt í form með bökunarpappír og í ca. 170-180° heitan ofn. Mjög gott að hafa kóríanderpestó á þetta brauð, nú eða bara hið klassíska: smjör og ost.
Jæææææja ég er komin með þessa fínu vinnuaðstöðu lítið lesherbergi með tölvu nokkrum hæðum ofar en mín eiginlega vinnuaðstaða svo er boðið upp á frítt jóga einu sinni í viku fyrri staffið maturinn er ekkert slor spurning um að segja bara upp heimaleigunni og koma með svefnpokann tjahhh ég gleymdi símanum mínum heima ef þú ert að reyna að hringja í mig elskan
mín komst ekki á tindersticks það verður víst að hafa það það er ekki hægt að slíta sig í sundur hvað þá í marga parta en tónleikarnir sem ég sá í danmörku 1997 að mig minnir þeir lifa barasta í minninu en ég ætla enn og aftur að hafa eftir orðin hans lutins - það er einhver fjandinn á seyði seiði seyði ssssssss - alla vega í hausnum á mér: friday calming the mind a definite must from time to time because when you don't the mind jumps around clowns in your head talk circles around you so once in a while you have to send the mind through a car wash... in the meantime you can ponder where you have been since 1995 what has happened in business and personal life and where you want to go from here
í dag langar mig að horfa á dvd heima hjá mér.margar margar margar. hverja á fætur á annarri. borða nýju blá- og krækiberin mín og sulta svoldið og safta. en í staðin er í jú stödd í minni ágætu vinnu. hundleiðist hér í dag en læt mig hafa það. jógað fer að byrja. held ég drífi mig af stað. þetta er það eina sem hefur virkað á mig og fengið mig til að koma aftur og aftur og aftur í heil tvö ár. ótrúlegt. en síðan læddist helvítis doðinn að mér fyrir tæpu ári síðan og ég hætti skyndilega öllu. hætti að fara í jóga. hætti að hjóla. hætti að kíkja á strákana (sem er reyndar í góðu lagi - þó merki um ládeyðu). jæja. allt þetta leiðir til enn meiri doða. hmmm... þá er að taka 73 eða eitthvað. byrja aftur. og aftur. annað líf - betra líf. hringt úr skólanum og stóra skottan veik. sofnuð í sófa skólastjórans. þetta er nú fínn skóli sem hún var að byrja í. allir svo alúðlegir og skilningsríkir.
ég verð svo tímalaus í veikindum sef í einhverja klukkutíma og vaki eitthvað sef aftur vaki sef móki fer á fætur aftur að móka hita te glápi á dvd sofna vakna kúri sef æh þetta er ágætt september já og höfuðið á mér er svo þungt rétt tollir á líkamanum langar að rúlla því niður í holu sem er full af undarlegum jurtum
ég fæ alveg hroll þegar sagt er frá henni þarna sarah palin. varaforsetaefni repúblikana sem er mjög trúuð og hægri sinnuð blesssunin. hún er mjög fylgjandi vopnasölu og almennri eign vopna. það eru til myndir af henni stoltri með byssu í hönd sem og á skotæfingum. jú og að sjálfsögðu er hún á móti samkynhneigðum hjónaböndum sem og fóstureyðingum. HJÁLP!!!
það er síðasti ágústdagurinn og ég er að hugleiða 1. október það verða nú fín mánaðarmót þarna sept/okt sko. uhhhhh.... en ég hef haft það alveg ótrúlega gott þessa helgi. hef ekkert verið að telja míntútur neitt. drekk mitt morgunkaffi í morgunslopp á hádegi og hugsa um ikea. WHERE HAVE ALL THE FLOWERS GONE LONG TIME PASSING..... þetta kyrjaði dieatrich skyndilega til mín hvíslandi æpandi inn í mér siiiisonna. neinei ég er að hugsa um samtímalist og lognmollu mosalynga í heilaberki bjartrar veraldrar að handan. sá loksins batman og hafði gaman að. kíkti í tvær heimsóknir og sú þriðja er væntanleg. ég á líf læ læ læ.... this is my life með gleði og sársauka að vopni stíg ég trylltan dans taaarammmm
úfffff var að sjá næsta launaseðil júlí fríið dregið af þetta verður stuð mánuður meiri hafragraut takk en jæja það er loksins helgi eftir þessa löngu ströngu viku djöfull er ég þreytt eeeeen samt eldhress bara alveg logandi djöfuls hress af þreytu er boðin í mojhito eða hvernig það er skrifað núna í kvöld ætlaði að afboða mig en fattaði að ég hef ekki efni á því félagslega ágætt að hitta fleiri en vinnufélaga og börnin sín einstaka sinnum kannski mjúmjú djöfulsins vælutónn er í mér berst við biturleikann af öllu mínu hjarta vík burt saaaatan tan an n
og með gleðinni var ég að spá í sólarhringnum. sko mínum sólarhring. þessum þarna klukkutímum og mínútum í lífinu mínu. 8 tímar fara í vinnu - fyrir aurum 8 tímar eiga að fara í svefn og þá eru 8 tímar eftir. já það er nú heill vinnudagur haaa - eða heill nætursvefn best að spá í þeim meira. uuuuuuuhhhh tjahhh um 2 tímar fara í ferðir til og frá og á ská ætli það séu ekki um 3 tímar sem fara í að fæða sig og klæða sem og niðja sína 2 tímar fara í heimilisstússsssssssssssssssssss þá er 1 stórkostlegur klukkutími eftir dýrmætasti klukkutiminn: lesa fyrir mig og hina elska, knúsa, spjalla, leika hjálpa við heimalærdóm og lífsins bögl skrifa... horfa á imbann hitta sína dýrmætu vini og fjölskyldu heilsurækt (tekur roooosalegan tíma í mínu lífi í dag) hugleiða stuð æææææ já og allt hitt sko eins og að skrifa þetta blogg það góða við þetta allt saman er að með útsjónarsemi er hægt að gera allt að sex hluti í einu vaska upp um leið og verið er að baða litla barnið og hjálpa stóra barninu við
ég er enn að baksa við að koma okkur fyrir hér í risinu. dreg húsgögn til og frá og reyni að smokra þeim undir súðina. svo er menningardagur já en mér finnst ég svo "menningarleg" alla hina daga ársins að ég sleppi þessum. sér í lagi þar sem það rignir og næðir um. en stúlkukindurnar vilja GEEEEERA EITTHVAAAÐ. mest langar mig að kaupa eitt stykki hipp og kúl kósí rómó gáfulega notalegan bás og skella honum beint inn í íbúðina mína. henda hins vegar öllu sem hér er fyrir. eeeen þetta kemur. hef eignast heimsins bestu nágranna sem sögðu mér að vera góð við sjálfan mig. jessöríbob. ég skal sko reyna það. það verður mantran ásamt þessari hér: EKKI TAKA NEITT PERSÓNULEGA! og SKUGGINN skottunnar er tilbúinn. rosalega huggulegur. og ég birti mína holdsins grein. og ég fór í melabúðina og ég vinnaði voðalega mikið í vikunni og ég fór á skólasetningu og fund svo er það messa á morgun og tónlistarskólinn í næstu viku þvílíkur dugnaður í þessu koti bakaði líka flatkökur á hellu og steik
ég hafði það ekki í vinnu sökum hausverkjar kom einhverju öðru í gagn í staðinn tölvupóstar, ákvarðanataka, las í bók-um og lagaði kaffi enn bíður lítið sætt skot eftir því að vera málað og puntað þetta skot hefur litla skottan ákveðið að kalla: skugginn minn "mamma ég ætla aðeins inn í skuggann minn" fyrst hélt ég að hún fyndi einhverja óþægilega skugga þarna inni í veggnum en svo er ekki. það myndast fallegar skuggamyndir á veggjunum í skotinu og þetta er hennar afdrep: skugginn hennar. sér í lagi fallegt þar sem að hún átti að heita Skuggi þegar hún var elvis í bumbu. er elvis kom út þá var hann/hún með tvær legkökur fastar saman.
annars er ég með grein sem mig langar að birta en veit ekki hvar. finnst hún skemmtileg og áhugaverð og svo er þetta alveg sígilt efni. líkaminn og dauðinn - og mörk þessa í fagurfræðilegu samhengi. var hugsað til þessa þegar ég heyrði um auglýsingu eftir líkum frá honum snorra myndlistarmanni. og umræðan sem fylgir. sem er góð. þetta er alltaf umdeilt efni. kemur við okkur. holdið lifandi og dautt það snertir titrandi taugarnar.
best að láta lutin tala yfir hausamótunum: so here comes the lunar eclipse sometimes called the dropping of the other shoe if you've been waiting for something to happen or feel like you've been living in limbo you're right there is a hush that's fallen over your life everybody's life in fact we're all waiting for the direct motion of Pluto in a couple of weeks and at the moment those who feel unloved or unappreciated or who have been seeking something that isn't there will wake up, grow up and face their responsibilities now and know that you can wait for something that doesn't exist at least not yet so you have to get over yourself and own up to your responsibilities and that's what makes your life your life Segðu darling segðu...
fékk mér salatdruslu í matinn áðan en kaffið gaf hins vegar góð stig í daginn hef verið síblundandi óblæðandi blendingshuga blettagúa og gærdagurinn er búinn núna eru það sko bara peningar og pældíðí plott með bleiku mynstri bráðum verð ég fræg að endemum fyrir þig og mig í faðmlögum en í dag ríð ég randaflugum með viskustykki og bana geitungum í baðkörum langar að kaupa ljósið í fríðu frænku langar að detta í gírinn þú veist stjörnugíriinn á himnum sem baðar mig úr ljósinu og lætur bob marley á fóninn því hann er rasta-salí man vertu ekkert að rífa þig upp fyrir nýbakaðar kleinur elskan ég skal geyma eitthvað í frystinum og svo er það barnaafmælið hjá ekki-barninu og ekki-unglingunum stórkostlegt þetta ekki-barna-bil komdu nú og kættu mig kona
og nú get ég sagt: þegar dimman dettur á haustið testar okkur, lætur vita af komu sinni síðar meir raunveruleg haust eru þó fallegri og litríkari en feik haust og núna er gullfallega stóra skottan farin í sumarbúðir já blessuð fegurðin sveimérþá la di da held ég skreppi út fyrir borgarmörkin næstu dagana
flekklaust flandur jájájájá segir hún fía fender safapressan mín er í geymslunni hvítvínið er í ísskápnum akureyri á sínum stað rútan skröltandi um lundareykjadalur í felum ástin pökkuð inn í hvítt lín ofan í skúffu skaðræðis börn elskurnar mínar mjá mjá mjá kjötsúpa og meira lamb á diskinn minn fallegar dömurnar mjaðmirnar og allt það sko "mamma mín er kominn dagur má ég þá byrja að syngja núna gerðu það mamma bara fallegt lag fyrir þig"
lífið er pípa
og hér í gamla kirkjugarðinum erum við allar staddar 3/3 af tölvutrillum hlustum á amy og fíflumst og ég er að spá í að fara í tótal meikóver og láta taka lungu og nýru úr mér snúa augunum við og láta blóðið streyma rangsælis mjá sjálfsofnæmi að ná nýjum hæðum ætti barasta að leggjast á eldhúsgólfið og gráta eins og hún amy you know that i´m no good
æ aumingja hún amy og hún sem er með þessa fínu rödd og nauðsynlega attitjúd. frussandi óstöðug í gapandi gættinni. ég sem ætlaði að bjóða henni í saltfisk. það bíður kannski betri tíma. fínn dagur. fengum okkur mokkavöfflu og kíktum á muldrandi skó að vega salt. síðan eru það barasta fimm dagar á bókasafninu og þá er það frí. dásamlegt.
mér líður eins og vínarbrauðslengju sem hefur fengið sólsting veit ekki hvað hægt er að gera í slíku steikja hakk kannski eða sleppa því og hafa tröllatrú á baðferð og guði gæti sett plástur um hvern og einn fingur saumað æðarnar betur saman hlustað aftur á skúla svo gæti ég sett í þvottavél en efast þó stórlega um að vínarbrauðið taki stórkostlegum stakkaskiptum rísi upp úr sæfaralegum svita og fari að trúa á faðmandi hendur upp úr jörðinni "mig langar heim" kallar litla skottan
Ástin og þú Myndavélin sem tekur myndir af lungum þínum elskar þig en þú tekur ekki eftir ást hennar. Eða jú. Þegar þú fórst úr bolnum og hörund þitt snerti í fyrsta sinn spegilslétt stálið, þá tókstu eftir ást hennar en gleymdir henni strax. Konurnar á bakvið myndavélina elska þig líka. Og framköllunartækið. Og ljósið sem lýsir bakvið nýju röntgenmyndina af lungum þínum. Fingurinn á lækninum. Línurnar, myrkrið og þokan sem búa til myndina. Þau elska þig. En þú ert bara ekki tilbúinn enn. Kristín Ómarsdóttir
Lítið ljóð um heimspeki Sóla fór í fjólubláan kjól og ætlaði í fýlusóffapartí. Skáldið kvað: Nei, ástin mín, heimspeki er ekki ætluð fögrum konum. Árþúsundum saman sátu munkarnir sólarmegin í klausturgarðinum við borð hlaðið kræsíngum sem sveittar og skítugar púlskepnur færðu þeim og snæddu og ræddu og bræddu með sér hinstu rök sinnar óútskýranlegu standpínu ex vacio ex nihilo. Dagur Sigurðarson
höndin og hjartað skríða inn í vegginn fálma um saman tvær afturgöngur á leið aftur til þín aftur á hættulegar slóðir og öll málningin flagnar af við minnstu hugsun. þetta á að vera svona segir sölukonan. þetta er sko málning sem á að flagna af skilurðu. já það á að sjást að þetta sé gömul og notuð reynsla. gamall og notaður tími. og höndin og hjartað reyna að trúa því og halda áfram að ganga aftur. aftur og aftur á slóðir vímu vandalausra. á slóðir bergmála og fjallbrattra brúna. málning sem flagnar til sölu öl lu lu uu uuu...
hæææ elskan nei hæææææ hvasegirru bara gott er það ég líka ohh en gott já svo gott þú ert svo sæt þú líka ohh það er svo gott þá hlýtur bómullinn að flæða úr eggjaskurninni hreinlega já jájájá alveg mússímússí einmitt kisulóri kósímós úlalaaaa ég ætla heim úr vinnunni núna það er fluga sem er límd við heilahornið, mitt á milli hafs og eyjaskeggs hún suðar og syngur grætur örlítið í gamla daga en í nýju dögunum segir hún bara: hæææ elskan frábært elskan og allt það alveg kreisí glöð eilíen glöð beckett þunglynd og allt
þá fara bækurnar mínar að vera komnar ofan í kassa. kannski bara svona 4 kassar eftir og þá eru þær í góðum málum í sumar. geta þefað af hvor annarri í mollunni. jebb.... ég tygg sóhatt og jappla á ólífulaufum. burt með allar bakteríur. sækja svo í mig þessar elskur. en hvar er svo júrópartí í kveldinu??? hmmmm....
jájájá þá er maður orðinn ríkisstarfskona sveimérþá með robot augu randaflugu hjarta en lutin hefur lög að mæla: You're probably tired, you're probably exhausted and at this point getting dizzy and confused... ...everyone will feel this I'm-tired-of-fighting-just-leave-me-alone- I-need-a-break sort of feeling especially because it comes along with the mercury retro so you deserve to have a long long long weekend of pure unadulterated VEDGING...
annars er þetta dagur sem ég umfaðma netið já og öll önnur net sem maður er flæktur í og á einu skriferínu fiskaði ég svo falleg orð um endurnýjun. ætla ekkert að ræna henni en þannig líður mér einmitt. að byrja nýtt líf. alltaf að byrja nýtt líf þó enginn taki auðvitað eftir því. jæjjjja....þarna rændi ég því samt. set upp leppinn. hljóðlát endurnýjun af sjálfum sér í kynnum við þessa manneskju sem flækist með mér, í mér og utan um mig alla. slík endurnýjun er alltaf að eiga sér stað og þegar fundurinn verður þá langar manni nú bara að skála í kampavíni eins og fólk gerir á öðru skriferíi. annars þá horfði ég á júró í gær og spáði öllum inn sem voru inni neeeeema Póllandi. hafði reiknað með Írlandi frekar. á morgun byrja ég að vinna. aftur. og á morgun þyrfti að vera búið að dúndra bókum í kassa.
ég sauma út þennan dag með svamlinu mínu og hugurinn er svo reikandi lisa sönglar sænskuna sína og teið mitt er ágætt klangen i mit bryst klangen i mit bryst sigli svo litla eikarbátnum út á miðin belgurinn fær að síga niður í sjó með gróflegu netinu næturneti sem sekkur aldrei á botninn flýtur með straumnum og lisa syngur áfram mod min melankoli mod min melankoli
hkvag segkirru til hvergsss eegghu bókhhhmehhnetafraainngar? veit ekki með frekari pikkuppplínur en get alla vega staðfest að þessi virkaði ekki súpu og te bjóðsla hefur stundum komið sér vel einlægt ljóðastaggl hjólreiðaþjófnaður dans já dans augu ekki má gleyma þeim maður hlátur gítarsarg og já auðvitað og barasta beint og blátt mig langar að kyssa þig sannleikur og hugrekki já - það er helvíti gott annars veit ég það ekki sushi hmmm....sund það vantar þetta í daginn líklegast en sveitaferðin með leikskólanum var sæt þó draman hafi dramað heilmikið á heimleiðinni en til þess eru nú drömur jú þær kunna að drama tilveruna til jæja hvað segirðurrr mrrr hrrr.....grrrr?
allt under barbacontról
hvað varð um hana þessa stelpu þarna þú veist hverja ég á við ég veit reyndar ekkert hvort ég sakni hennar alltaf að púkast eitthvað en hún er summsé horfin blessunin frétti síðast af henni með kisur og hálfa sjerríflösku sat þarna í sófanum í barbamömmubúning og var að spá í það af hverju hún hefði aldrei lært að prjóna en reyndar fundust lopahnykklarnir um allt dansgólfið eftir að hún sturlaðist aftur þú veist missti stjórn
það er alveg dásamlegt að geta eytt svona fallegum dögum með fallegu skottunum sínum hangsast saman í garðinum og um borgina og breyta tímanum í sjónlausa drekaflugu hins vegar er erfiðara að koma sér að verkunum sem bíða heima við allir þessi kassar og og og barasta bara þetta allt saman djöfull verður gott að flytja ennnn eina ferðina....
þetta ljóð greip í mig og bað mig að snerta sig sem ég og gerði og aftur snertu mig aftur þá það skal gert og af gefnu tilefni vildi það augun mín þegar dagarnir verða flæðandi bjartir öll pússlin vilja finna fyrir hvort öðru í rammanum: Mannshöfuð er nokkuð þungt en samt skulum við standa uppréttir og sumarið bætir fyrir flestar syndir okkar. Við létum gamlan dvalarstað að baki - eins og dagblöð í bréfakörfuna - höldum nú áfram lítum ei framar við. Eða brutum við allt í einu glerhimnana yfir gömlum dögum okkar? til þess lögðum við af stað. Og jafnvel þó við féllum þá leysti sólin okkur sundur í frumefni og smámsaman yrðum við aftur ein heild. Velkunnugt andlit hljómur blær það er þín eign barn æsandi og ný. Sigfús Daðason
já það var einmitt það við þennan brothætta og fagra tíma: "Gamall bóndi í minni sveit segir að það vanti einn mánuð í árið, milli maí og júní. Mánuðurinn sem vantar gæti verið táknrænn fyrir þá iðju að skrifa bækur - kannski finnst þeim sem skrifar að eitthvað vanti. Hver veit nema það að skrifa sé tilraun til þess að fylla upp í rýmin endalausu - að gera hið ósýnilega sýnilegt - að bæta mánuði í árið, ef hann skyldi vanta." Steinunn Sigurðardóttir
þetta eru alveg dæmalaust góðir dagar mæti dögunum með æðruleysi og von í hjarta afmælisdagurinn í gær varð óvænt stórskemmtilegur með dásamlegu fólki súpa, salat, súkkulaði, kampavín og kærleikur allan liðlangan daginn blóm og fegurð og skoppandi börn á öllum aldri óskipulagðar veislur eru þrælfínar takk takk takk fékk svo mikið af kossum og knúsum og blómum og kærleika og símhringingum og sms-um og tölvubréfum að ég er bara klökk maður er víst hreint ekki einn í þessari tilveru allt umvefjandi ástin vaggar mér barasta eins og kornabarni í móðurfaðmi síðan enduðum við mæðgur á að horfa á pride and predjudice "mamma hún er í uppnámi eftir að hann tjáði henni ást sína ég væri það líka"
maí er mánuðurinn minn. flottur mánuður og ég ætla að gera alveg ósköp margt í maí mínum. hætta að vinna. taka frí. byrja í nýrri vinnu. verða eldri. flytja. fyrst allt sorpudótið. síðan allt í kassa. þar á eftir inn í litla herbergið sem verður geymsla. ooooog svo er það víst að flytja rúmið og sjálfan sig og afleggjarana úr húsinu. já og svo var líka ýmislegt fleira sem maí mánuður bíður upp á. ég á alla vega marga tóma svarta ruslapoka núna sem fyllast brátt af fortíðarkólfum. sveimérþá ef ég verð ekki himinlifandi þegar mánuðurinn minn kveður og segir: takk fyrir mig.