hmm...laugardagur já og 20. maí og svo mikið um að vera. sem er svo sem ágætt. Mikil tónleikavika þessi hér. CocoRosie bara gjörsamlega tóku anda minn á loft. Þær eru æði. Mikil upplifun að sjá þær systur. Og við systurnar dönsuðum saman undir þessu og hvísluðumst á tungumálinu sem bara systur skilja. Því það sæmir systrum í raun. Og hvað meira hef ég verið að bardúsa. Jú fór upp í Borgarfjörð eina nótt sem var ljúfastaljúft. Með bróður og systur úr teyminu. Þar var haldinn árlegur teymisfundur. Enginn humar í ár en annað grillmeti og drykkir rauðir. Síðan grétum við okkar næturdrottningu og töluðum um ómöguleika frelsis. Einmitt það. Brunað var í bæinn snemma í sól og ég skundaði á Söguþing. Bara á eina málstofu þá en það var nú aldeilis nóg fyrir þann daginn. Ég hef aldrei upplifað annað eins í hinu óþolandi síviliseraða akademíska umhverfi. Tilfinningarnar rísa innan fræðanna. Og þá meina ég alvöru tilfinningaástand. Fólk titraði af bræði og svo var hoppað um í stívélunum sínum. Þessum gulu og grænu með hello kitty myndinni á. Hoppað svona og skoppað og leðjan skvettist um í svamlinu. En já - þetta var áhugavert. Þó fræðileg umfjöllun hafi ekki verið kannski í hávegum að þá er þetta ástand mjög spennandi. Tilfinningauppgjör innan fræða hlýtur að kalla á breytingar. Eða hvað eða hvað. Hvað veit ég? En auðvitað var sumt fyrir neðan allar hellur og annað bara svona jájá nokkuð áhugvert. Til dæmis tilraunamennska innan fræðanna sem mikilvæg og jákvæð nálgun. En nóg um þetta blaður þarna. Klór og flór í augun og allir að verja sín vígi. Og þá fer ég að hugsa um myndina Skuggar og þokur (eða var það þoka) - eftir Woody Allen. Hann alla vega gekk um í skuggalegri þokunni með pipar í vasanum til að geta varið sig fyrir hinu óvænta. En þá er það dagurinn í dag. Ætla að kíkja á nýju bókabúðina sem opnar í dag. Skunda eitt og annað. Það er allt í drasli hérna. Allt í rúst. Og dóttir mín skæruliðinn sér um sjóið. Miriam Makeba í kvöld. Rauðir drykkir? Veit það ekki....gæti verið gæti verið ást já gæti verið. Með ást.

Ummæli

Skrifa ummæli

Vinsælar færslur af þessu bloggi

mér tókst að brenna stóra bleika mynd af marilyn monroe sem var í hvítum ramma á vegg í miðri íbúð og stuttu síðar læsti ég litlu dóttur mína inni og sjálfan mig úti tensjón sú stutta er þó þekkt fyrir einstak jafnaðargeð og fannst þetta alveg óskaplega skemmtilegur leikur sem betur fer og náðum við með miklu brasi að koma lyklinum undir útirdyrahurðina og lauma honum af kyppunni - hún er algjör snillingur ég lá á gólfinu með kertaljós þar sem rafmagnið er farið af ganginum og þar með af útidyrabjöllunni og þetta hafðist þegar ég loks gat opnað inn þá stóð skottan dansandi og kallaði með tilþrifum og útbreiddan faðminn: ó mamma mikið ertu dugleg!!! stóra yndið skokkaði út í ísbúðina eftir svaðilfarir vorar við fengum okkur því ís og heita sósu og horfðum á korní ástarræmu fyrir fallegu fjölskylduna í sviðalyktinni
Lesa meira
allt skrifstuð sem einhvern tíman hrjáði mig er horfið - líklegast for gúd svo að unglingaljóðrænan sem bjó í skúffunum er gufuð upp. hún hefur líklegast keypt sér nýja gönguskó og farið á hálendið og sleppt skúffufagurfræðinni þar lausri eins og aska nýlátinnar (tja eða löngu látinnar). eftir stendur bara náttúra og raunveruleiki. en ég bý svo vel að því í dag að hafa marínerað kjúkling yfir nóttina sem og bakað dýrindis muffinskökur (sykur, hveiti og mjólkur lausar nota bene). þannig að sunnudagssteikin blessuð var framreidd í hádeginu og svo var arkað um í þessum djeskotans kulda og aftur heim að borða ananasmúffurnar góðu. annars leiðist mér margt og er full af gremju. þurfti bara að skrifta því hér niður á galgopans alnetið. og þá er það komið. og já það verður gott þegar þessi mánuður verður búiinn. andskoti mörgu áorkað - skulum við vona - þegar 1. apríl rennur í hlað. jájá núið bla bla bla - sama er mér.
Lesa meira