fender factory

Í stað þess að framleiða stratocastera þá drekki ég mér í mímisbrunni. Kvefið vill ekki fara. Komið til að vera eins og veturinn. bókamarkaðurinn er töluverð freisting. Kem árlega út af þessum markaði með aðeins meira en stóð í exel-skjals áætlun. Nokkrar ljóðabækur jú og ein ævisaga, ritgerðarsafn, einar áskell, gömul tarsanblöð, málverkin hans dags í bland við ljóðin og átaksbók vanans. En stefnan er þó ávallt lögð á fjárhagslega stjórn. Að eiga fyrir slikkeríinu sjáðu til. Gott að ég er ekki að ferma í ár. huhh. Stöðugleikinn verður örugglega ríkjandi á næsta ári þegar frumburðurinn ætlar sér að ganga til altaris og þiggja blóð og líkama krists. Gífurlegt breytingarflóð sem flæðir yfir fólk þessa mánuðina. Ég sem hélt að ég væri undanskilin. oooneeeee. En ég fagna barasta óvissunni blessaðri. Hún er mín næring og vissa. Svo er ég að rembast við að brjóta upp vana. Ég er ekkert smá vanaföst, íhaldsöm jurt, en anarkísk í exelinu.....