MATARSÓDI

2012-01-29T09:34:00.003Z

2012-01-23T09:06:00.006Z

Mamma, heilinn á mér framleiðir ekki nógu mikið af hamingju og þess vegna kemur þunglyndið stundum eins og stjarnan Melankólía og brotlendir á heiminum mínum.

Að vaða í þykkum ullarþráðum. Að vera ekki hrædd við það sem kemur að utan heldur einmitt við það sem kemur að innan.

Ef ég væri stjarna á himnum myndi ég vera fjólublá.

Ef ég væri góð í að elska myndi ég elska þig.

Ef dagurinn væri úr vatni myndi ég ekki drukkna. Ég myndi synda dýpra, leggjast á botninn og anda með tálknum sem ég fékk að gjöf.

"She dwells with Beauty - Beauty that must die;
And Joy, whose hand is ever at his lips" (John Keats)

CARIBOU - Sun [OFFICIAL]

2012-01-14T19:16:00.000Z

hún kemur hún kemur

2012-01-07T14:09:00.003Z

Áramótaheitið var að búa til langan lista af löngunum og ráð til að verða við þeim með einhverjum klækjum og karmanu sem umvefur mig. Einmitt væri ráð að reyna að hafa góð áhrif á karmað. En summsé. Ég á nú ekki í erfiðleikum með listana blessaða. Í þetta sinn varð listinn að vera konkret. Ekkert kjaftæði um að verða betri manneskja eða hugsa jákvætt. My big arse. Bara þú veist lesa þessa og hina bókina. Kaupa nærbuxur og sódastreamtæki. Skrifa eitt ljóð á viku. Raka á mér lappirnar. Fara í klippingu. Svona stöff sem maður barasta þarf kannski að gera á árinu. Drekka vatn á hverjum degi. Og fleira sem kemur þér ekkert, lesandi góður, við. Ég lærði einu sinni að gott væri að gera lista yfir allt sem maður er viss um maður gerir, muni gera. Vakna, klæða sig, bursta tennurnar, tala við börnin sín, drekka kaffi og svo framvegis. Sigur-listi. Ekki to-do listi heldur Win-listi. Ég fílaði áhrifin af þeim gjörningi verð ég að segja. Mér fannst ég alltaf í plús og ótrúlega dugleg, klár, falleg og atorkusöm. Sem er kannski illúsjón já, má vera já. En megi tálsýnin þá bara færa mig fram veginn inn í fegurðina.

Núna er ég einmitt að drekka kaffi. Makalaust allt það sem lífið færir manni.

Ég er að hugsa um að skella mér bara á My Week with Marilyn í dag.

2012-01-05T12:51:00.003Z

Mig langar nú svoldið í þessa bók hans Bert Stern. Marilyn Monroe: The Complete Last Sitting.
Ó jájá.

Megi fegurðin ríkja

2012-01-04T17:06:00.000Z

Gleðilegt ár mín kæru!

2011-12-28T12:29:00.003Z

Síðustu daga ársins berst birtan upp frá moldu. Enn er hún uppvakningur án lífs en hún getur glott framan í daginn og sagt: ég er.
Hamingjan legst undir feld og felur ham sinn. Segir að hann þurfi að þorna. Hún grét svo mikið yfir bleikum skýjahnoðra og fólki sem stóð út á miðri götu að kyssast í haustinu sem leið að hún hefur verið rök síðan. En allt gengur sinn vanagang. Birtan horfir á zombie myndir og borðar konfekt, hamingjan þerrar ham sinn undir feldi. Fólk drekkur kaffi og fer út að ganga með hundinn og mætir örlögum sínum í vindhviðum við hafsbrún. Amor amor segir fleygur fuglinn og á myrkum himni bærast þær glóandi á bak við allt.

Komdu til mín...

2011-12-26T13:33:00.000Z

Nat King Cole - The Christmas Song (Chestnuts Roasting...)

2011-12-19T19:28:00.000Z

Jólaröddin!!!

The The-Kingdom Of Rain

2011-12-18T11:12:00.000Z

Það er þetta með sunnudaga og nostalgíu sko sko

Suzanne Vega - Caramel

2011-12-12T20:11:00.000Z

2011-12-12T15:33:00.005Z

allt fyrir skáldskapinn elskan. allt. líka að koma nakinn fram. hvað er annað hægt en að vera nakin undir silkigrænni fortíð. skreytt blóðmiklum blómum. þetta er kærleikurinn, sagði hún. þér var gefinn kærleikur. ég hugsaði, magnað. hér er bara verið að ausa í mann kærleik og ég tók næstum því ekki eftir því. ég verð að taka betur eftir veröldinni. hún er þarna veröld ástar og visku. hún er þarna.

2011-12-11T09:21:00.004Z

ef ég væri blómafræðingur þá gæti ég sagt þér hvað þessi blóm heita. ég dáist að fuglafræðingum. já þetta er einmitt tjaldbakur, hann hljómar eins og flóttamaður undir jökli. eða eitthvað. en varðandi blómin þá skortir mig orð til að segja þér allt um þetta mál um blómin í bréfinu. þau voru vafin í gamalt eldhúsbréf. á bréfinu var mynd af húsi. það var sumar og það sat einhver fugl á reykháfinum.

Guðbergur Bergsson um flamenco

2011-11-20T20:53:00.000Z

Come into my Sleep - Nick Cave & the Bad Seeds

2011-11-20T20:40:00.000Z

Joan Baez Babe I`m Gonna Leave You

2011-11-13T20:22:00.000Z

Og fleiri angurværar kveðjur...

To Be By Your Side - Nick Cave

2011-11-13T11:09:00.000Z

Fallegt lag og texti við fallega mynd á þessum ágæta sunnudegi í nóvember

Minn Heima - Rimur

2011-11-06T19:41:00.000Z

2011-11-05T15:16:00.004Z

Get ekki get ekki get ekki ímynda ég mér að bein Samuels Becketts skrifi á innanvert kistulokið ofan í franskri mold. Get ekki hætt get ekki haldið áfram get ekki. Andardrátturinn óþarfur. Aðeins krafsandi hringl í beinum.

Moloko - Take My Hand

2011-10-26T19:05:00.000Z

bræddar sálir bragðast betur

2011-10-04T18:52:00.003Z

gangstéttirnar mættu alveg vera fullar af glóðuðum steinum
ég myndi bara spígspora yfir eldinn og láta sem ekkert væri
brenna upp leðrið á jörkunum og góla við fulla tunglið
áður en ég breyttist í úlf eða andskotann sjálfan
guð verður ekkert hræddur
engin blóm til að tína í vönd
enga vitleysu
enga vitleysu
kantskorinn tilverurétturinn hefur ákveðið að láta fólk ganga í gegnum hreinsunareldinn fyrir dauðann
komst að þeirri niðurstöðu að það væri ekki til neins að bíða dauðans
notum nóttina
notum lífið
njálgurinn kemur og fer
kemur og fer
engin brunalykt
allt í gamni gert
smá eldur
reykur
bruni
hvaða hvaða
hættu þessari dramatík segir tilverurétturinn
be a woman

Kings Of Convenience - I'd Rather Dance With You

2011-09-28T00:10:00.000Z

ég er alltaf svo skotin í þessum

Limit To Your Love - Feist / James Blake - (Redtrack 'Unplugged' Cover)

2011-09-28T00:00:00.000Z

Eftilvill hamingja

2011-09-24T11:24:00.003Z

Eftir að hún dó varð hann gripinn
mikilli forvitni um hvernig þetta
hefði verið fyrir hana. Ekki það
að hann efaðist um ást hennar.
En hann vissi að það hlyti að
hafa verið einhverjir hlutir
sem fóru í taugarnar á henni.
Hann fór því til nánustu vin-
konu hennar og spurði hana
yfir hverju hún hefði kvartað.
"Það er allt í lagi," varð hann
að segja hvað eftir annað: "Ég
tek það ekki nærri mér." Að
lokum gafst vinkonan upp.
"Hún sagði að þú sötraðir
stundum teið þitt ef það
væri mjög heitt."

Jakc Gilbert, þýð. Gyrðir Elíasson

Prince "If I was your Girlfriend"

2011-09-17T20:27:00.000Z

björk: crystalline

2011-09-14T22:49:00.000Z

2011-09-04T10:21:00.007Z

Ég hitti góðkunningjakonu mína eða betra væri líklegast að segja bara vinkonu í veislu um daginn. Þetta er mjög falleg og sjarmerandi kona og hún hefur alla tíð verið það. Ég hafði ekki hitt hana mánuðum saman og hún leit svo ljómandi vel út. Bjó yfir stóískri ró, fegurð, visku og já hún hafði grennst þessi lifandis ósköp. Hennar jafnvægis- og fegrunarráð voru: sofa og borða og sofa. Hún náði loksins að hvíla sig í nokkra mánuði eftir að hafa sofið illa árum saman. Hún hætti í vinnunni og um tíma var þetta það eina sem hún gerði, að sofa. Svo vaknaði hún svona aðeins til að næra sig inn á milli djúpra blunda. Með þetta í huga fór ég inn í þessa fallegu helgi. Átti guðdómlegan föstudag fram á kvöld sem innihélt flest það sem dagar eiga að bjóða upp á: ást, sköpun, fegurð, hreyfingu, vinnu, drykkju, næringu... og síðan svefn. Ég blundaði frá föstudagskveldi og til klukkan tíu á sunnudagsmorgni. Forgangsröðin hefur ekki alltaf verið sú besta eða eins og önnur góð viskuvinkona orðar það: þegar maður setur sjálfan sig til hliðar. Konur gera meira af því en karlmenn. Ég þoli ekki svona konur versus karlar fullyrðingar. En ég segi það samt og skrifa: konur setja sjálfan sig meira til hliðar en karlmenn. Ég ætla ekki í neina söguskoðun hér hvað þetta varðar. Og ég er klofin þegar kemur að þessu efni að hugsa um sjálfan sig og að hugsa um aðra. Amma mín bjó á Hellisandi og gekk með og fæddi 10 börn í þennan heim. Hún vann í frystihúsinu allan daginn, en fékk að fara aðeins fyrr heim í hádegishléinu til að kveikja á hellunni heima og sjóða það sem í pottinum var. Þetta er auðvitað svakalegt líf og ekki konu bjóðandi en engu að síður fyllist ég lotningu og segi hér upphafna munnmælasögu með stolti af henni ömmu minni. Ég sprett bútasaumuð upp frá þrælkun tímans. Það kemur nú ekki á óvart að hún amma mín var að vinna daginn sem hún dó og sín síðustu orð sagði hún með sinni friðsælu rödd: ég er ekki hrædd. - Hún var líklegast hvíldinni fegin sú gamla. Nú hef ég í laumi dásamað vinnusemina því mér var kennt það og ég á erfitt með að klæða mig úr þeirri hugsun. Enn frekar vil ég þó dásama góðan nætursvefn. Svo verð ég nú að bæta því við að listin að draga andann og horfa á trjákrónur er vanmetin. Sjá ég boða yður frelsi.....

2011-08-30T09:44:00.003Z

Fullkomnunarárátta er af hinu illa segir í grein sem ég var að lesa. Ég tek undir þessa fullyrðingu:

"Perfectionism is a mean, frozen form of idealism, while messes are the artist´s true friend."

Það er nú stolið úr mér hver höfundurinn er en það gildir einu. Fullkomnunarárátta hefur ólíkar birtingarmyndir. Þessi týpíski úlfur í sauðagæru. Þykist vera fegurðin sjálf en er ekkert nema illgjörn froðufellandi veira.

Þá hef ég komið þessu á framfæri elskurnar.
Ég er með gigtarverki en bjartsýn sem er fyrir öllu. Kaffið er komið í krúsina og kúlið liggur í mjöðmunum að þessu sinni.

2011-08-29T12:40:00.001Z

Nokkur orð frá honum Michael Lutin um múdið í úniversinu og okkur sjálfum þessa dagana:

Finding stability in the midst of a passive sea.
That's the New Moon in Virgo
with Jupiter in Taurus
and Pluto in Capricorn
You get up on your two feet
look around
survey the damage
check your assets
and
go on building for the future
repairing breaks
plugging leaks
making new what was getting old
and putting your shoulder to a
car and lifting it
to free someone trapped beneath it.
It's the return to the diet you cheated on
catching up on everything you
avoided handling.
Sound boring?
Not at all.
This is the restorative moment
that lets you know you are alive
When you're in Virgo mood,
you're in no mood to fool around.
And you don't let other people mess around either.
You're the nun
flicking the lights
at a Catholic school dance,
making sure
couples don't dance too close.
It's not that you can't have fun.
it's just that
with a New Moon in Virgo
you're HERE
in the middle of a great big
NOWHERE ELSE

Jimmy Cliff - You Can Get It If You Really Want

2011-08-27T03:18:00.000Z

Það held ég nú...

Nostalgía í brotsjó

2011-08-12T11:58:00.009Z

Bókabúðir, bókasöfn og kirkjugarðar eru mínir uppáhaldsstaðir í borgum og bæjum heimsins.(Já svona reyndu að halda andlitinu). Helstu minningar mínar úr æsku eru úr þessu ágæta þríeyki. Sér í lagi er það bókabúðin Iðunn sem staðsett var á horni Öldugötu og Bræðraborgarstígar, Bókasafn Seltjarnarness sem þá var í tónlistarskólanum sem nú telst til heilsugæslunnar, Hólavallakirkjugarður sem hefur til allrar hamingju ekki fengið á sig neina nútíma ásýnd. Að síðustu vil ég nefna kofa úti í Suðurnesi sem telst víst hvorki til bókageymslu né greftrunarstaðar en virðist þó tengjast heimkynnum bóka og dauða á mystískan hátt í gegnum stríð, strandir og sjó með útsýni bæði til Gróttu og Guðs. Reyndar er þessi ágæti kofi orðinn að golfvelli sem passar ekki alveg inn í þessa rómantísku morbid hugmynd um æsku mína sem ég er að reyna að setja hér fram af veikum mætti. Engu að síður eru þessir staðir greyptir í vitund mína (hvað sem sjálfstæðismönnum og gangandi golfíþróttinni líður) og ef ég vakna við minnisleysi á útlensku sjúkrahúsi og þekki ekki eiginmann minn hann Jack lengur þá væri ráð að fara með mig á þessa staði og sjá hvað gerist.

Along the Country Road

Ástæðan fyrir því að ég rifja þessa staði upp er að ég vaknaði upp í nótt eins og margar aðrar góðar nætur og í andvöku leituðu á mig endalausar þreifingar eftir minningum úr æskunni. Minningar eru svo brotakenndar og ímyndunarveikar í eðli sínu að mér líður eins og tómum svikara við að fletta upp í þessu riti hugans sem lýgur mann fullan af ást og bælingu heimsins. Var þetta allt skrifað í fjörusandinn. Þú og þitt stöff. Getur það verið. Hugurinn vill bara muna sögur af sjó og glóðuðu brauði með aldinmauki, flautuleikarar í trjákrónum og dauðir máfar á bögglabera silfurgráa hjólsins sem ég fékk þegar ég var 10 ára. Svo allt í einu birtist mamma hlægjandi með appelsínubörk í kjaftinum eins og hrekkjarvökukerling úr Hlíðunum. Ég verð skíthrædd og get ekki sofið og ímynda mér drauga í hverju herbergi og það eina sem huggar mig er Bessi Bjarnason með sínar sögur á vínyl.

2011-08-08T18:30:00.004Z

Óskaplega sem það er erfitt að skrifa nokkurn skapaðan hlut hér eða annars staðar. Orðin verða að einhverju gumsi í þreyttu höfðinu sem neitar að taka á sig skapnað, hvorki fallegan né ljótan eða eitthvað annað. Man ekki fleiri lýsingarorð. Orð. Ekki segja neitt. Biddu frekar um hvíta strönd fjarri mannabyggðum. Eða bara skúr í stórborg. Bjúgtöflur og tannkrem.

Áttu gullriste?
Haaa hvað er það?
Ég veit það ekki en örugglega eitthvað rosalega vatnslosandi.
Nú!? (Vá hvað þetta orð "vatnslosandi" getur gert mann brjálaðan)
Nei ég meina þetta er drykkur sem fær gullið í sál og holdi til að rísa.
Neeeeei kannast heldur ekki við það sko en á hérna hins vegar mjög góðar náttúrlegar sápur.
Okei ég fæ þá bara sápu í staðin.

Haltu kjafti hvað kellingin þarf að fá sér bjúgur og uppstúf maður.

Þrátt fyrir allt þá er sólin falleg.
Blessuð sólin já. Og fallegasti dagur ársins var laugardagurinn 6. ágúst. Töfrandi stöff.

Góða nótt.

Can Our Love [Tindersticks]

2011-07-15T02:30:00.000Z

Falleg myndataka...

Júlí

2011-07-12T17:39:00.009Z

Ásta
Sig
urðar
dóttir
fær
sér
ber
brjósta
smók
og
nakið
fólk
liggur
á eilífðarströndinni eins og krabbar í landlegu. Á hálendinu er foss. Þú getur baðað þig í honum. Farðu bara úr öllum fötunum og skelltu þér undir köldu sturtuna. Það sér þig enginn nema Guð og gleraugun. En ég fer hins vegar í bað. Í baðkarinu mínu eru lavenderblöð sem minna mig á hassdrottningu í Kaupmannahöfn. Hún var leikkona með rauðan varalit og átti marga elskhuga. Þegar ég flutti inn í risið hennar á Brigadevej ilmaði rúmið af lavendergrasi og lífi í tuskum. Kötturinn skeit og allt það og jú enn er ég í sætu risi og kötturinn er farinn að skíta úti. Það má þakka fyrir það. Ég ætla að vera í fötunum og þætti gott að komast inn í flugvél og burt af þessari eyju. Ég kyssi stelpurnar á hægri vanga og á vinstri vanga. Hugsa um Guð og Happdrætti Háskólans. Þarf að fá mér hristan Martini:

"Læknarnir við háskólann í Ontario fundu út að hristur Martini gagnist betur en hrærður til þess að gera vetnisperoxíða óvirka sem eykur andoxunaráhrif drykkjarins. Þetta eru einmitt þau jákvæðu áhrif sem menn hafa verið að finna út að áfengi geti haft á hjarta- og æðakerfið. Hristur Martini er því líklegri en hrærður til þess að draga úr líkum á því að neytandinn deyi úr hjartaslagi eða æðasjúkdómum."

James Blake - The Wilhelm Scream

2011-06-23T15:07:00.000Z

2011-06-23T11:02:00.007Z

Talaði við öskuna í morgun og fann limina bærast í duftinu. Það hringlaði í hlekkjum um úlnlið og sköflung. Úr loftinu hékk órói úr gulum lyklum og í næstu íbúð var verið að hlusta á Aerosmith.

Askan hefur hvíslandi rödd og selur mér sælu fyrir blóðdropa. Einn dropi á dag - syngur hún til mín sínar hvíslandi serenöður. Einn dropi á dag...

Andy Kehoe: Songs of the Dead

Heavy sentences by Joseph Epstein - The New Criterion

2011-06-22T17:17:00.000Z

Heavy sentences by Joseph Epstein - The New Criterion

Leonard Cohen - bοοκ of longing

2011-06-20T21:48:00.000Z

Leonard Cohen - A Thousand kisses deep

2011-06-20T21:46:00.000Z

2011-06-20T17:50:00.005Z

Mjög skyndilega sameinaðist þema dagsins í Kanada. Vegurinn lá til Kanada þar sem hættulegir birnir búa og stórkostlegir elskhugar. Stúdentarnir voru frá Kanada og það barst bréf yfir hafið frá Kanada. Litla stúlkan í útvarpinu var á skipi sem sigldi alla leið til Kanada. Ég fæ mér Canada dry í tilefni dagsins og steiki fisk í raspi. Svoldið rotin í hausnum og hjartað í formalínskrukkunni er farið að spíra á svo óþægilegan hátt. Rætur sem leita hringinn í kringum vöðvann og upp úr formalíninu. Þær þrengja að. Kannski langar þeim alla leið til Kanada. En sjálf veiti ég fiskinum á steikarpönnunni alúðlega athygli. Það er gott að hafa Kanada staðsett á litlum punkti á stærð við augntóft í útvarpinu fjarri fiskinum á pönnunni minni. Held þetta sé þorskur.

Billie Holiday - Love Me Or Leave Me

2011-06-16T00:48:00.000Z

2011-06-06T22:13:00.000Z

2011-06-06T19:26:00.004Z

Konan hefur ákveðið að taka gleði sína á ný þrátt fyrir að kunna ekki að sjarmera manneskjur nema með fúkyrðum. Hún hefur ákveðið að gefa skít í allt nema ástina og vináttuna og guð og skella sér bara í sumarfrí. Kaupa sér kjól og kampavín og eiga dásamlegar vikur framundan. Hún mun skafa af sér volæði og velling og æða á tónleika og í plokkunartrans stúta öllum streitubaugum heims síns og la di da útskrifast og hitta alla sem hún elskar svo mikið. Hún er þegar farin að iða í öllu sínu fagra skinni við tilhuxhuxhuxunina....

Ron Hamad: Here, 2011

2011-06-05T12:17:00.004Z

Í dag langar mig svoldið að hverfa. Stundum vakna ég með þessa tilfinningu og það er svo magnað að hverfistilfinningin spyr ekkert hvaða dagur er. Hún bara mætir og hugsar allt í hvarf. Ég nota þakklæti sem vopn á hana og það kemur nú fyrir að það dugar svona langleiðina þá fer hún sjálf í hvarf eða lætur í það minnsta lítið fyrir sér fara. Í dag væri kjörið að fara í kirkju eða á myndlistarsýningu. Beita hverfistilfinningunni óvæntum brögðum. Hún er hávær og lætur illa, berst um á hæl og hnakka fjandakornið. En svo man ég eftir því að maður á víst ekkert að berjast við hvarfið frekar en ástina eða jafnvel óttann. Viðurkenna og taka í taumana. Ganga inn í hvarfið og skoða mig um, laga te eða baka jólaköku í hvarfinu. Hverf ég þá eða breytist tilfinningin í andhverfu sína. Ég strýk melankólíunni um feld sinn og segi henni að þrátt fyrir allt sé hún falleg á sinn dapurlega hátt.

Dream On

2011-06-01T10:32:00.000Z

juuuminn ég var alveg búin að gleyma þessu lagi....

2011-05-30T13:58:00.008Z

Heyrst hefur að Mahler sé aðalgæinn í dag. Fólk er annað hvort að koma af eða á leið á Mahler. Þetta er engin lýgi. Strangheiðarleg kona eins og ég segi alltaf sannleikann. Fjórða sinfónían var víst alveg helvíti mergjuð með flausturslegum ákafa í nýlegum flutningi aðal hljómsveit bæjarins. Fólkið klappaði og klappaði og þorði ekki á klósettið til að missa ekki af því að sjá uppvakninginn en það var búið að lofa að sjálfur Gústi kallinn yrði særður upp og kæmi fljúgandi úr duftinu eins og eldspúandi dreki um Eldborgina. Ég var ekki á staðnum því ég var auðvitað heima með eyrnarbólgu í vinstra eyra að hlusta á Mahler. Að sjálfsögðu.

Curtis Mayfield - Move On Up

2011-05-28T18:58:00.000Z

David Bowie - Ashes To Ashes

2011-05-23T22:57:00.000Z

2011-05-21T12:53:00.000Z

2011-05-19T23:04:00.000Z

Kaffipása

2011-05-15T13:31:00.006Z

Moldug hnén eftir allt bænastandið báru þess merki að sambandið við jörðina væri traust og stöðugt. Í moldinni fann hún fyrir Guði og treysti því að þar á meðal maðka og brátt vaxandi jurta fyndi hún tenginguna og svörin sem fóru fram hjá svona yfirleitt. Máfarnir sveimuðu yfir henni og hlógu sínum hrossahlátri á meðan hún krafsaði með nöguðum nöglum í moldina. Eftir krafsandi moldarklukkutíma var komin djúp hola í jörðina. Þar lá lítið látið lamb. Dvergvaxið og dularfullt í holu. Það var kjörið að skríða upp úr gröfinni eftir átökin, taka upp kaffibrúsa og nestisbox og narta í brauðsneið á brúninni með lambið undir fótum sér og máfana sveimandi svanga yfir.

Ray LaMontagne - Let It Be Me

2011-05-01T21:24:00.000Z

Crazy (Gnarls Barkley Cover) - Ray Lamontagne

2011-05-01T21:11:00.000Z

Lúv it!

2011-04-30T13:44:00.001Z

2011-04-25T15:51:00.003Z

Tvær sex ára í spurningaleik:

Hvaða skáld datt niður stiga, fótbraut sig og dó?
Hmm, þetta er nú svoldið erfitt.
Giskaðu bara á eitthvað.
Var þetta rithöfundur?
Nei nei, giskaðu bara á eitthvað.
Ég veit nú ekki hvað skal segja.
Ok. Þetta var Jónas Hallgrímsson. Jaaaá þetta var sko einhver maður.

2011-04-25T10:56:00.004Z

Reynsla óvissunnar er alls ráðandi og við henni er einungis hægt að taka fram lítið snæri og hnýta um sig miðja og röflast upp á fjall, standa þar með lokuð augun og kalla inn í sjálfan sig og víðáttuna: komdu.
Og vertu einnig hjartanlega velkomin ofan af fjallinu, upp úr lautinni, blautri moldinni, köldum söltum sjó...

Andy Kehoe: A Welcome to Coming Days

2011-04-24T13:03:00.002Z

Það er gott að rísa upp og setja jazz á fóninn fá sér kaffi og kirsuberjalögg.

2011-04-21T23:58:00.009Z

marglaga egg mæna hver hryggjarliður upp eftir inn undir blóð hvíslast um vatnaland skóga bergfléttur sem þú tekur upp blæst í blíðlega. óttinn hefur bugað beyglað margbætt ísaumaðan vöðva sem veiðir fisk og býr til ljós úr sálmum. í holum trjábol ferðast eggvopn um til að rispa upp æðar og sprauta í svarta sorg. veggfóðraðir lúðrar á veggjum væta mig. frá þeim berst taktföst þögn úr fjarska og egg mitt er þrætt á bergmál.

dýpsta gleði og sorgin þunga. ástarvinurinn minn.

Gleði gleði gleði sumar

2011-04-21T11:17:00.005Z

Skynjun á heiminum og okkur sjálfum í þessum heimi gerir okkur víst að manneskjum. Þar er sköpunin, í skynjunni á öllu havaríinu. Dagurinn i dag er örugglega einn mikilvægasti dagurinn skynjunarlega séð fyrir þessa litlu þjóð sem er einangraðri en hana grunar þrátt fyrir allt tal um glóbaltengingar og heimsþorp. Hver þjóð er svo afmörkuð í sínu litla húsi og girðingunni umhverfis húsið og þegar langt er yfir í næsta hús þá verður skynjun af þessum heimi háð vegalengdinni að limgerðinu. Sumardagurinn fyrsti er ávallt tímamót í huga og hjarta hvað sem líður veðri og öðru vafasömu til leiðsagnar. Treystu bara á þína innri rödd og allt fer vel.

Stevie Wonder - Another Star

2011-04-02T20:13:00.000Z

Dönsum elskan.....

PJ Harvey - The Glorious Land HD

2011-03-30T19:56:00.000Z

Dásamleg!

Amy Winehouse - Stronger Than Me

2011-03-30T13:56:00.000Z

Vorið er að koma...

2011-03-25T19:39:00.000Z

sjávargróður

2011-03-19T11:38:00.007Z

Upp úr snjóskafli uxu rætur og úr rótunum rann safaríkt blóð
sem streymdi til sjávar dag eftir dag allan veturinn.

Blómin í sjónum verða falleg þetta kalda vor.

Jefferson Hayman: By the board, 2008.

Tómataást

2011-03-12T09:31:00.002Z

Orðrétt haft eftir Líneik Þulu Jónsdóttur lífskúnstner: "Þeir sem elska tómata þeir eru laglegir söngvarar."

Meiri Rod beibí...

2011-03-05T18:07:00.000Z

Konan er nú alltaf svoldið svag fyrir honum Rod...

2011-03-02T20:18:00.000Z

skordýraeitur á himni

2011-02-26T12:08:00.003Z

sandstrókur og slæðusléttur framundan með uppáhellingu við höndina
drep mig aftur með samfélagsflugusuði og flugnaspaði sléttunnar brotnar í spað
af tilhugsuninni einni saman
einni saman
umfram allt saman sagði kallinn og lagðist í grænt grasið ímynduðu landi stjörnubjartra nátta
lokar augunum og sér naktar konur dansa í kringum myndarlegt lauflaust tré
samuel beckett hefði átt að sjá þetta hugsar hann
þá hefði hann grátið og búið til fleiri rósir í eyðimörk
skordýraeitrið lifir í þér

James Blake - Limit To Your Love

2011-02-13T21:38:00.000Z

2011-02-08T11:49:00.001Z

skipin sigla undir brúna undir brúna undir brúna
allan daginn

Skúli Sverrisson Sería 2 Le Feu

2011-01-28T15:52:00.000Z

Ólöf Arnalds - Surrender (Official Video)

2011-01-28T15:28:00.000Z

Með öðrum - og annarra orðum...

2011-01-15T17:43:00.004Z

"Með öðrum orðum; héðan sést allt; ef ekki með augunum einum þá með huganum og ef það nægir ekki þá er til ást sem gefur sýn inn í það dýpsta sem býr í einni manneskju og þar með lífinu sjálfu." (31)

Úr Dýrin í Saigon eftir Sigurð Guðmundsson

Head up woman

2011-01-15T17:15:00.003Z

Andy Kehoe: Protector

Drap tittling og trítlaði mér fram á klósett. Dáðist að litla baðkarinu. Lagaði kaffi. Fékk mér rjúkandi bolla í lavender baði. Sumir kunna nú að leika á þurran þorsta sem hefur reyndar leikið hana mig grátt undan farnar vikur. Það vætlaði örlítið vanillukaffi niður á geirvörtuna og Guð sagði mér að gott væri að mála á sér augun eftir baðferðina. Þetta væri tilvalinn dagur fyrir svarta augnmálningu. Ef ég myndi reykja eitthvað að ráði þá fengi ég mér eina More út um eldhúsgluggann. Röddin að ofan og innan sagði mér líka að fá mér vatn við öllum mögulegum lífsins þorsta. Vökvaðu allt sístemið kona vökvaðu kona. Það sagði Guð vinur minn og meistari.

Svo mæli ég með Andy Kehoe.

2011-01-09T13:36:00.002Z

Athyglisverð þýðing!

Solace in the Unknown

2011-01-08T23:57:00.000Z

Andy Kehoe

2011-01-06T22:52:00.006Z

þú kemur heim til þín
býður gott kvöld
bergmálið svarar þér kuldalega
lætur sem það hafi ekki heyrt kveðju þína
snýr sér undan
þú kallar aftur
og þitt eigið svar er reyrt um raddböndin
það blæðir lítið eitt úr koki og gómi
læðist lækur niður lendar
sköflung
tær

Lífsins þukl - nokkur orð um Svar við bréfi Helgu e. Bergsvein Birgisson

2011-01-03T18:01:00.004Z

Því maður á að geta þess sem gott er þá hristi ég fram nokkur orð um þessa góðu og mjög svo vel stílfærðu bók Svar við bréfi Helgu eftir Bergsvein Birgisson. Það er nýtt ár og í einu ljúfu matarboðinu undir tónleikahaldi litlu manneskjanna gleypti þessi saga mig í einum bita sem ég væri lítið lamb eða nýorpinn lundarungi er þráir ekkert nema að forvitnast meira um lífið fyrir utan skurnina. Ljúfsár, sniðug og falleg er hún þessi einfalda djúphugða saga með öllum sínum skemmtilegu orðum sem gera lífið stærra.
Í þessari nóvellu er að finna veruleika og óveruleika í bland við hátimbraða rómantíkina sem er reykt í gegnum orðfærið eins og gert er við hana Sigríði gömlu sem tekur upp á því að drepast á níræðis aldri um hávetur. Þar sem ekki var hægt að grafa eitt né neitt í frosna moldina var tekið upp á því að leggja hana í sérsmíðaða grind yfir þverbitana í reykingarskúrnum og vel hlúð að holdinu yfir veturinn.”Ég man að ég hugsaði að þessa aðferð ætti að gera að séríslenskum útfararsið, svona meðan menn væru í sárum að syrgja ástvini. Hvar reykurinn hjálpaði tárunum að flóa.” (44) Þótti jarðarförin ilma sérstaklega vel í minningunni. Þessi litla saga er að sjálfsögðu til hliðar við meginmál sjálfrar sögunnar en er svo ótrúlega fallega skemmtilega fyndin eins og verkið í heild sinni – eða hvernig maður nú getur orðað það öðruvísi. Það er Bjarni bóndi á Kolkustöðum sem á orðið og er sagan eins og titillinn ber með sér svar við bréfi frá Helgu sem hann elskaði og elskar enn. Hann lýsir kenndum sínum og hugðum til Helgu sem bjó mestan part lífs hans á næsta bæ. Það er komið að lífslokum hjá hinum gamla bónda sem hefur ávallt hugsað með hjartanu eins og hann sjálfur kemst að orði. Bréf Bjarna til Helgu er ástarjátning af heitustu gerð en færir lesanda á sama tíma skáldskaparleg sannindi um alþýðu og sveitamenningu sem var, með miklum sagnastíl.
Val manneskjunnar er rauður þráður í gegnum söguna og einmitt sú spurning hvort valið sé raunverulega til staðar. Eða eins og Bjarni segir í fullvissu sinni um það hver hann sjálfur sé, en á sama tíma í stórkostlegum efasemdum um sitt eigið lífsins val:

"Kærleikurinn er líka í þessu lífi sem ég hef lifað hér í sveitinni. Og þegar ég valdi þetta líf og fylgdi því og sýtti það ekki, þá lærði ég að maður á að standa við ákvörðun sína, hlúa að henni og hvika ekki frá henni – það er tjáning kærleikans. Hér undir Ljósvallarhlíð varð ég að vera. Ég hafði ekkert val.
Valið var þitt.
Valið er þitt.
Og ég er þinn.
Ennþá." (82)

Sagan er svo léttleikandi skemmtileg og á sama tíma þungbær, sorgleg og full af nagandi sársauka. Sá kallast góður skrifari sem getur fléttað slíku saman á auðmjúkan hátt eins og einmitt hver manneskja er sköpuð úr einhverju sem við köllum hold og andi. Ég leyfi mér hér að segja of mikið um söguna, en lesandi verður hálf meyr að komast að því að játningin kom of seint, hún var í raun syndaaflausn inn í eilífðina þó gamli bóndinn segist aldrei hafa verið að nudda sér upp við Guð – kærleikurinn var hans almætti.

Takk fyrir mig.

3. janúar 2011 - SB

Gleðilegt glimmer ár

2011-01-01T11:13:00.006Z

Komdu - heyrði ég kallað með mjúkri og frekar lágstemmdri rödd. Komdu elskan mín.
Ólíkt Orfeusi þá leit ég ekki við heldur horfði rakleiðis upp til Guðs á leið minni yfir í nýja árið. Þegar yfir var komið brutust út fagnaðarlæti og glimmeri tók að rigna úr ólíklegustu áttum. Megi árið glimmerast og glæðast í blóði okkar allra. Ást og friður.

2010-12-27T22:10:00.004Z

vænghafið frosið fiðurlaust og grátt
glimmersjónvarpið baðað súkkulaði og nárinn með næringu í æð
fæðingin stöðvaðist á fyrstu sírenu
sérðu út úr augum
hárin heyja baráttu birtulausra daga nóttin elskar alla
líka þig
ástin mín
líka þig

Dikta - Nóttin var sú ágæt ein

2010-12-27T21:21:00.000Z

Hávamál, Sveinbjörn Beinteinsson - English subtitles

2010-12-12T10:36:00.000Z

Love - John Lennon

2010-12-12T10:33:00.000Z

Florence and the Machine - Drumming Song

2010-12-11T02:17:00.000Z

Heima

2010-12-05T09:55:00.001Z

Fegurð heimilishaga er óumræðanleg.

Ljósmyndari: Líneik Þula

2010-11-29T05:17:00.002Z

mig langar bara rétt að hvísla því að það er komin aðventa og að þú getur næstum þreifað á desember

Love and Death - Woody Allen

2010-10-31T15:51:00.000Z

2010-10-31T15:44:00.002Z

ég rakna úr roti og sofna síðan aftur rétt sem snöggvast
ég er holdgervi þolinmæðinnar og blásin þakklæti
finnst lífið óskaplega skrítið samt
og reyni að trúa á það
svona verður maður sko við blóðbragð í munninum í nokkra daga

2010-10-30T01:39:00.000Z

Stolnar raddir

2010-10-23T09:21:00.005Z

Ég er hreint ótrúlega stolt af henni Hugrúnu vinkonu minni sem var að gefa út sína fyrstu skáldsögu - Stolnar raddir

Cassius - My feeling for you

2010-10-19T20:43:00.000Z

वेइर्द बुक

2010-10-19T16:43:00.000Z

"You just keep going."

2010-10-14T00:14:00.011Z

Manstu eftir þessari kvikmynd? Ég man alltaf þessa setningu. Hún festist við mig og dúkkar upp á ólíklegustu stundum:
"Damaged people are dangerous because they know they can survive." Það er líkt og þessi orð elti mig uppi. Ég stend á þröskuldum og í svörtum fjörum og þreifa mig áfram yfir í birtuna hinum megin við sjóndeildarhringinn. Yfir til þín. "Damaged people are dangerous..." og fingur mínir verða að stórum vatnsfaðmi og augu mín fyllast af hvítfyssandi söltum tárum úr sjó.

Síðan ferjar þú mig aftur að landi og ég reisi mig við og rölti upp úr steingrýttri fjörunni. Svíður í augun af salti og ljósi.
Þegar heim er komið finn ég fyrir drunga í sálinni minni en það er allt í lagi.

Það er allt í lagi.

Ólafur Arnalds - Til Enda

2010-10-12T13:21:00.000Z

ó já

नोट ओग वोग

2010-10-12T12:41:00.002Z

Naut og vogir og naut næstu daga rísandi hnignandi rísandi elskur í eyðimörk á sjó og í háum kirkjuturnum og lágum kirkjugörðum gröðum með græðandi smyrsl í mold:

TAURUS
You’ve got a lot of work to do, and granted, it’s not always the fun stuff. Many of the outstanding issues and tasks are currently delaying you from sailing happily and mindlessly into the sunset with the wind at your back and the past behind you. In fact, isn’t there maybe a little matter of someone you cannot put out of your mind? Success in relationship demands consciousness expansion. It is odd that a person can be so close and so far at the same time

LIBRA
In addition to rebuilding your entire ego, which if not shattered, is in major defensive mode right now, you’ve got family issues that won’t go away, despite your ability to deny everything. Staying mentally ad spiritually healthy requires you to face some painful facts,, understanding that in the end, nothing matters anyway except compassion and forgiveness. As for your money and possessions , remember this: They are all just things.

...þetta sagði hann Michael Lutin um þessa vikuna já!

PJ Harvey - The Bay

2010-10-11T22:49:00.000Z

PJ Harvey - The Devil

2010-10-11T22:33:00.000Z

2010-10-11T21:54:00.005Z

hjartsláttartruflanir, blóðnasir
marblettir
og ég sé þig
liggja í plastblómum

Crazy (Gnarls Barkley Cover) - Ray Lamontagne

2010-10-10T11:11:00.000Z

stjörnubjört sorg

2010-10-06T21:45:00.003Z

það er sem sorgin spinni sinn einka einivið um börkinn í höfðinu
flétti af natni nær en hollt getur talist
þó ekki svartan þráð
dimman fagur bláan líkt og sjálfur himinninn hafi tekið sér ból innan við sjálfar augntóftirnar
og enn sjást skærar stjörnur
ef aðeins einhver man eftir því að líta upp